ليش الاهانه والاستنقاص!!

بنات قسم بالله انقرفت انقرفت
دخلت التويتر نفس الكلام
دخلت الانستقرام نفس الكلام
جلست مع خواتي وامي نفس الكلام
جلست مع صديقاتي نفس الكلام
جلست مع قريباتي نفس الكلام
الكل شاف وسمع يمكن عن ملكة كابلي انه زوجها
خانها مادري ايش سالفتهم
والكل يعرف قصة الأميرة ديانا
وخيانة زوجها
والكل يعرف انجلينا وخيانة زوجها
اللي قاهرني ليش البنات يحسسون بعض بالإهانة
يعني شفت بالتويتر هاشتاق كامل عن ملكة
الكل كاتب بنات وعيال
الحين هذي زوجها خانها ماتبين يخونك انتي يالشينه والعاديه ؟
واخذين الموضوع عادي كان حلال الزوج يخون
وان الحلوه وهي الحلوه انخانت من انتي عشان ماتبين
زوجك يخونك يالعاديه والشينه ولما تجين تتناقشين
ان الشكل ماله دخل يقولون هذا كلام الشيف
وكل امس كلام قريباتي وصديقاتي نفس الموضوا
عن ملكة انها حلوه ووانخانت اجل احنا وش بيصير فينا
المشكله كلهم بعمري فوق ٢٨ اعمارهم
لكن كذا افكارهم يحسون الخيانه عشان الشكل بس
ونفس الشي امي تعرف وحده قريبتها
جدا عاديه وزوجها خانها قالت امي ايه الأميرة ديانا انخانت
اجل حنا وش نقول وياما ابوي خان امي بشابه مكالمات وكذا على كلامها وكانت تسكت
تقول الجميلات ينخانون من انا عشان مابيه يخون
وقبل شوي الانستقرام دخلت على انستقرامها
وانستقرام زوجها والكل نفس الكلام الشباب يكتبون لها
هالجمال كيف ينخان وهذا ماعنده نظر وحنا وش نقول اجل
اللي اخذين شيف وأكثر من واحد كاتب
شوفو هذي زوجها خانها لاتجين انتي يالشيفه
تصيحين تقولين زوجي خانني بفهم
ليششششش الاستنقاص البنت وخاصه اللي جمالها ع قدها ولا عندي ثقه
بنفسي لكن لما اسمع كلامهم واقرا جد انكسر
وأحس صح كلامهم يعني استنقاص بشكل مبالغ
البنت العاديه وكأنها هي اللي خالقه نفسها
وتقديس البنت الجميلة ويحسون
ان الجميلة حرام تنخان
حرام تطلق
حرام يصير لها اي شي
حرام ماتعيش بنعيم بس هي اللي يحق لها
زوج يدلعها ويصرف ويسفرها ويشتري لها عشان حلوه
يعني امس كله واليوم سهرت على التويتر
والاسنتقرام على عالسالفه والكل نفس الكلام
يحسون انها حلوه خلاص مو مسموح يصير لها اي شي
واانها شوفوها وهي حلوه انخانت فلاتجين
انتي يالعاديه والشيفه تصدقين نفسك
لدرجه بعض البنات يكتبون
ياويلي اذا هذي انخانت
انا وش بيصير فيني
او اذا هذي ماملت عيونه انا وش وضعي