ليش البنات يرفضون الزواج.............؟

مشكورة حبيبتي بس أنا أشوف العكس ان الرجال بهاالزمن هم اللي يتشرطون وينسون أنفسهم...
والله ان البنات توافق على الرجال صاحب الخلق والدين ولا تسأل عن المادة...لكن الرجال هم اللي مايقدرون.
ولما الواحد منهم يأخذ البنت اللي تقدره وتحترمه وتراعي ظروفه ويكون عليه فرعون ويتكبر عليها ويظلمها وكأنها ميته عليه..

وآسفة على الاطالة لكن حرة بقلبي من تجربة مرت فيها...

صادقه اختي قلبي كله جراح

الرجال هم اللي يتشرطون وبعدين مثل ماقلتي نصيب

وشي ثاني والأهم مهب معناها ان البنت تأخر نصيبها يعني تقبل بأول من يطق الباب

كلهم يقولون دين واخلاق وبعد العرس المستخبي يبان

واكبر دليل على كلامي تصفحي الأسريه والاجتماعيه وتشوفين بنفسك

تونا بالسالفة

بنت عمتي عمرها تقريبا 26 سنة ، تقدم لها شاب سألو عنه وممتاز من جميع النواحي إلا وظيفته ..!


راتبه قليل ، والبنت رفضت بمجرد ما عرفت مع انها وافقت مبدئياً ..

يمكن فيه ناس ينتقدون تفكيرها ، لكني مؤيدتها بصراحة ، دام انها عارفه انها ما بتتأقلم مع وضعه فترفض أفضل لها وله.


أنا بعد عندي مشكلة باختلاف البيئات ، أحس اني بتأقلم أكثر مع بيئة مشابهة

قناعاتي وقناعات غيري ما نقدر نؤطرها بقوانين

عموماً أنا أريد وأنت تريد والله يفعل ما يريـــــــــــــد.


( كل الـود )

نرفض الزواج لانه ماعاد فيه رجااااال ..
الله يسقي سنين الرجولة ..
ولو يكون عمري خمسين سنة ما راح اتنازل ولا عن شرط ..
من زينهم نضحي لهم ما بعد حتى تزوجنا ..
زمن البنوتات العصفورات الرقيقات ولىىىىىىىىىىى
ما تأكل عيش النعومة والبراءة..
شفنا تجارب امهاتنا واخواتنا وتفتحت عيوننا على بلاوي الرجال ..
ضعف البنات هو اللي قوى الرجال عليهم وزاد ظلمهم ..

المشكلة اننا نفاااااااااااااحط و في النهاية بررررضو تجي على رووسناااا ..
شلون اسير شريرة .. نفسي اكون انانية ..
من تعرف خلطة للشر ههههههه

الله يسخر لي ولكل بنت ما تزوجت الازواج الصالحين الحنونين الطيبين مخمومين القلوب
ويسخر لكل متزوجة زوجها ..
ويرزقنا الذرية الصالحة المعافاة ..
اللهم امين ..
اللهم صل وسلم على نبينا محمد وعلى اله وصحبه اجمعين ..

بالنسبه لي
اهم شي عندي الدين ، اذا رجال يخاف الله ويرجيه هذا ماينفرض ولا ينتشرط عليه

اما يجيك واحد مريض نفسي والا واحد معروف عنه انه راعي بنات ، هذا ودك تعطينه بالعصا على راسه


وطبعا مايحتاج اقولك ان اللي قاعدين يتشرطون بهالزمن هم الشباب
يبي وحده مدري وش فيها ويبيها موظفه ويبي عمرها كذا وطولها كذا و وزنها كذا و .... الخ


الله يصلح الحال بس :)