ليش الحرمه تسوي في الحرمه كذا اذا مرضت

مساء الخير فيه موضوع جداً قاهرني وهو ان الحريم في مجتمعنا ما ادري كيف تفكيرهن او ليش يسون كذا المشكله انه ثلاث ارباع الحريم حتى العاقلات يمشن على نفس النمط ونفس التفكير وهو انه اذا شافن حرمه مريضه حتى لو مرض بسيط دقن صدورهن ووقفن على رجولهن وراحن يبحثن لزوج الحرمه عن عروس حتى لو الرجال مافكر يتزوج هن يحطن ذا الفكره في راسه ويقلن زوجته مريضه من حقه يتزوج زوجته مريضه ماتقوم في واجباته والله لو ان الرجاجيل هم الي يفكرون بهذا التفكير كان ماقلنا شي لانهم قلوبهم قلوب رجال ولهم في الشرع اربع لكن الي يقهر ان الي يفكر كذا حريم والمشكله ان كل الحريم كذا على نفس النهج الا فئه قليله وانا عارفه ان ثلاث ارباع المنتدى نفس ها التفكير انا صدق غير متزوجه بس يحرقني ها الشي ويثور دمي ودي اذا شفت وحده تسوي كذا ارشها في موية نار استغفر الله زي وحده اتصلت. علينا امس قالت انه فيه رجال زوجته فيها سرطان وانا اببحث له على عروس وابي بنتكم قسم بلله قهرتني بغيت اخذ السماعه وارد عليها اقول انت ماتخافين من ربك يوم شفتي ها المسكينه مرضت قمتي تبحثين لزوجها يكفي همها الي هي فيه مو تصيرون انتم تقهرونها انا دائم اسمع ان قلوب الحريم رهيفه ورحومات بس للاسف انا اقول العكس مجتمعنا قلوبهم قاسيه انا موضد التعدد التعدد شرع الله مانحرمه. اذا الرجال بغى يتزوج يتزوج الله ييسر امره ماقلنا شي لكن الي يقهرني اذا الحريم تدخلو في هذا الامر وياكثر ما اسمع من الخطابات او من الحريم. ككل كلمه زوجته مريضه زوجته مريضه زوجته مريضه واحياناً ماتكون مريضه بس يحطون فيها المرض انا اليوم جالسه اتخيل ان زوجت اخوي او زوجت ولد عمي او غيرها بسم الله عليهم الوحده ابتليت بمرض الله يكفينا وياكم الامراض وانا بدل ما اوقف معها وارحمها. واصبرها اروح ارحم زوجها واقول مسكين يقطع القلب زوجته ماتقوم في احتياجاته زوجته مريضه كني استغفر الله نايمه معهم في الغرفه او اني المسئوله عنهم واقوم وافسر عن ذرعاني وابحث له عن عروس لا ومو اي عروس لازم بمواصفات معينه واحط الفكره في راس اخوي واشجعه واكسر قلب حرمته وادوس عليه ثم امشي لبيتي وانام قريرة العين. قسم بلله اني كرهت الحريم كره العمى