ليش الحقاره ويا قوى قلبك

حلوه ايام الطفوله لما الوحده يكون عالمها محدود بوسط امها ابوها الاخوه الاخوات وتخاف تخرج برا محيطه لانها لاكيا الامان والحب وسط محيطه تكبر او بمعنى اصح نكبر على عالمفهوم وببالنا اسم العايله والاهل احسن الناس لكن الواقع القاسى يوريج معدن الاهل صح من دون زياده اونقصان لما تلف فيج الدنيا وتخسرين احن الناس عليج لما تخسرين روحج ونفسج الاب ما اعظمها من كلمه صحيح مافيه مثل حنان الام ولكن مايشيلج ولايرفعج فوق ارقاب الحوش والهمج من البشر غير ساعده القوى بعده الحال اختلف مثل اختلاف اللون الاسود عن الابيض كشرت الانياب وكشفت الايادى المخالب وهات وخذ من التجريح والسباب والذل ويا شينه لاصار من اقرب الناس من من؟ اخوانج عزوتج لاطحتى مايشيلج الا هم مسميات سمعتها كثير منالمسلسلات ولكن للاسف ارض الواقع غير ليش الماده تكون عندك يا خوى نمبر ون واللى بعدها بلعنتهم ليش وليش ولالها جواب الا نفس البشر الملعونه الاماره بالسوء نسيت فيها ابسط الامور فى التعامل مع الاخرين ملعونه الدنيا وملعون ابوالفلوس اللى تنفر الاخوان وتخلق البغض اسال الله الهدايه لكم وفتح البصيره عاجلاغير اجل اللهم امين