والزوج ماراح يبين بعينه شي ابدا

طيب اشتغلي من بيتك


حساب انستجرام ونشر واعلان ودعاية

وبي يبارك لك ..

شهر واحد من حافز اشتري فيه بضاعة ..

او اطبخي من البيت
او سوي بهارات
او مفرزنات ..

انتِ ساعدي زوجك..

شوفي حبيبتي 
اول شي البركه من الله مو بكمية الفلوس
ياما ناس راتبهم 20 الف ومافيه بركه 
استغفري .. تصدقي .. اكفلي يتيم ب 100 ريال 
ثاني شي اعتمادكم على الراتب وحافز خطا
احنا فزمن غلط نعتمد على الراتب 
زوجك لازم يشوف له شغله اضافيه لو يكد على سيارته 
ولا يبيع خضار فاوقات فراغه او اي شي 
الرسول قال تسعة اعشار الرزق فتجاره 
وانتي شوفي نفسك ايش تبدعين فيه بالطبخ 
اطبخي وبيعي بالحلويات سوي حلويات
بالملابس اطلبي ملابس بالجمله وبيعي 
ع الاقارب الصديقات والانستقرام 
تحبين الميك اب سوي مكياج يجونك فبيتك 
خياطه خيطي 
شوفي اي شغله تحبينها وابتدي فيها 
اعتمادك على راتب وحافز مره خطا 
لازم تشيلون لكم مبلغ على جنب شوي شوي 
يكبر وسووا فيه مشروع بسيط 
كل شهر شيلي على جنب 200 ريال 
بعد ثلاث شهور معك 600 ريال 
اشتري فيها لك ملابس ولا مكياج 
كل فتره خصصي شي واشتريه 
مقاضي البيت اقتصدي باستخدامها خاصه المنظفات
ممكن ماتقضينها الا كل 3 شهور 
قللوا من اكل المطاعم مرتين بالشهر يكفي 
ومو ضرط مطاعم غاليه بروست شاورما اي شي 
بس تغيرون جو اصلا اكل المطاعم ماوراها الا الدهون والامراض 
اسسي حياتكم وامني مصدر دخل ثاني 
بعدين فكري بالسفى وهالاشياء 

الله يبارك لكم فرزقكم 

حبيبتي اختي نفس وضعك ولما جا حافز جمعته فالبنك ماصرف ولا ريال ولما جا اخر السنه الا هي مجمعه فلوس استانست وسافرت وشرت اللي تبيه ماينفع كذا انك تاخذين ميه او ميتين وتخلصينها فيوم خليه يعطيك كل شهر مبلغ بسيط واجمعيه فحصاله او يحولها فحسابك بالبنك وتتجمع لك كذا افضل حل او ادخلي جمعيه باللي تقدرين عليه وتاخذينها دفعه وحده

المفترض يدور له دخل ثاني ليش قاعد مكتف ويتفرج فيكي لين تموتين جوع؟؟

خليه يترزق على السيارة او يسوي له مكتب عقار طبعا ما تكلف في المدينه يحطون فرشه وثلاجة قهوة وسار مكتب عقار
يشوف له اي صرفة المهم يلاقي له دخل لو يجيب له 50 ريال في اليوم على الاقل حق مصروف البيت