ليش الرجال ما يحبون الهدايا الا نادرا..شي غريب

سبحان الله كنت افكر في هذا الحديث 
(تهادو تحابو)




طيب ليش بعض الناس نهديهم لكن ما تكون النتيجه الحب بالعكس احيانا يكون النتيجه الكره ...




مثلاا الحرمه الي تهدي زوجها سياره 
او تشاركه في بناء بيتهم
 
او حتى احيانا لو تجيب له هديه بسيطه 
تحس انه يتظاهر بالفرح
 ويمكن من داخله يتضايق لانه يحس انه هذا تحكم في لبسه واناقته ...




المهم وصلت لقناعه انه فعلاا تهادو تحابو 
لكن الهديه المناسبه ...
هي الي تثمر 




طيب وش هي الهدايا الي تناسب الرجال ...








اول هديه تخليه مبسووووط ومرتاح وتفرحه بجد ..
انك تكوني سعيييده 
مرتاحه 
من جواك تحسي بالراحه 
اذا شافك زوجك كذا راح يحس كانه ملك اغلى الهدايا








الشي الثاني 
الاشياء الي يحبها بس ما يقدر عليها 
لو تلاحضو دايم الشباب قبل الزواج يقول متى اتزوج وارتاح من اكل المطاعم والقى ملابسي مغسوله مكويه ووو من الاشياء الي هيا بنظرنا واجبات ثقيله ومسؤليه وهم 








بقولك مثال عشان تتضح الصوره اكثر 
لو جاب لك زوجك كفر او لبس للجوال بدون ما تطلبيه 
كذا جاء وقالك شفته وقلت اخذه لك ...وش بيكون احساسك...اكيد راح تنبسطي مرره 
لكن لو جاب لك ثلاثه بناء ع طلبك 
ماله طعم لانه باب الواجب  








نفس الشي لما تجلسين في المطبخ ساعه تطبخين وتقدمين السفره وانتي مرهقه 
تصدقي ايش يعطيك 
يعطيك سااالب 
دسلايك
بينما لو تسوين له الاكله الي يحبها او اكله بسيطه خفيفه ووتقدميها وانتي مرتاحه 
يفرح فيها اكثر 
ويعطيك لايك 








ما تلاحضون بعد العزاايم الي تتعب فيها الزوجه اليوم الثاني يتمشكلون




ما تلاحضون بعد الهدايا الرائعه ينفر الزوج ويبتعد 








ما تلاحضون بعد التضحيات الماديه يتزوج الرجل ع زوجته 




ليش !!!!








لانه تعطي شي اصلااا من اختصاص الرجل 
وهذا في نظره اهانه لرجولته 




تذكري كل مره تمدين له يدك بالفلوس كانك تقولين له 
انت عاجز وانا اساعدك واجب عليك تشكرني .








تذكري في كل مره تسوين عزيمه ينهد فيها حيلك وتقعدين يومين في المطبخ ويومين رجولك مكسره من الوقفه 
كانك تقولين له ما اشقى حياتي معك 
حتى جسمي تكسر عشان ابيض وجهك>كأن وجهه اسود 








ببساطه 
كاسه شاي مع ابتسامه تفاجيئه فيها
افضل من شاي وقهوه وحلا وموالح وو 
تسويها بناء ع الواجب او السنع او عشان تثبتين لنفسك وله انك مو مقصره معه












ترى نفس الشي لما يعطيك مصروووف كبير بناء ع الواجب وانه ما يقصر ماله طعم 
مو زي لما يعطيك لو شغله صغنونه وهو مبتسم 




الله يخليكم 
لا تخلو الحياه واجبات ومسؤليات 
لانه كذا الواحد يحس بالصغط والارهاق 




ومثلا لو طلب منك مثلا طبخه معينه 
وانتي فيك حيل تسويها 
ولك خلق ورايقه قومي سويها
اما اذا  تعبانه قولي له ودي بس حاليا مرهقه 
مو تقومي تطبخي وانتي تعبانه عشان تقولي له حتى وانا تعبانه انفذ لك الي تبي 
لانه راح يشعر بالذنب تجاهك،،،
واي انسان دااائما يشعرك بالذنب تصير تكرهه هاذي حقيقه 








المهم نرجع للطبخه اذا بتسويها سوييها واضيفي لمسه
ليششش
عشان تدل ع انك سعيده بتلبية طلبه 
مثلا زيني الصحن،،،! 
ومع ابتسامتك الحلوه راح يحس انك قدمتي له هديه ويعطيك لايك 




كلمة شكراً
من قلبك من اروع الهدايا الي يحبها الرجل 




زي مفعول كلمة احبك 
لما يقولها الرجل لزوجته...








من اصعب واحبط الاشياء ع الرجل 
ان تشتكي زوجته من شغل البيت او الاطفال 
لانه وقتها راح يحس ان كل الي تسويه تسويه من باب الواااجب 
زي لما يتضجر من المصروف والمقاضي واغراض العيال بعد كذا تحسي انه مهما انفق فهو عشانه واااجب عليه 




وتفقد الحياه معناها الجميل ...








امممم اتمنى يكون الي فكرت فيه عرفت اصيغه ..