ليش الزعل؟

يا هلا و الله بكل من دخلت موضوعي
انا جايه لكم اليوم و ودي افضفض .. فيه شي بخاطري و ابي اشوف هو يصير معكم مثلي
انا الاحظ ان فيه بنات يزعلون كثير من اشياء انا ما اعتبرها تزعل .. فيه عضوات تغيرو علي و من دون سبب مع اني اكن لهم محبه و احترام شديد .. و ما كنت اعرف السبب حاولت ارسل لهم رسائل خاصه افهم سبب التغيير لكن ما يجيني رد .. بس قبل فتره جاتني رساله من وحده من العضوات تعاتبي فيها و تقول ليش ما رديتي على موضوعي .. !!! المشكله هي ما جت تطلب لا هي جايه تهاوش ليش ما شاركتي و تظن اني ما ابيها و لا زعلانه عليها او اني متكبره و مواضيعها ما تعجبني !

بس هذا الكلام كله مو صحيح ..طبعا هي بعد ما ارسلت لي .. ربطت كلامها بتغيير بعض العضوات علي .. و زعلهم غير المبرر و الي ما كنت افهمه .. قلت يمكن هم بعد زعلانين لنفس السبب بس الفرق بينهم و بين العضوه هذه انها ارسلت لي و قالت الي في خاطرها ...

و اذكر مره وحده من العضوات الله يجزاها خير ما كان بيني انا و ياها علاقه لكن ارسلت رساله تنبهني فيها لمضوع ذكر فيه اسمي و انا ما رديت لاني ما كنت ادري ان اسمي مذكور .. فا شكرتها من كل قلبي لاني ما ابي احد يزعل علي .. و لا ابي صاحبة الموضوع تقول لليش انا ذكرت اسمها و هي ما ردت .. و فعلا كانت لفته جدا طيبه من المرسله و في وقتها دعيت لها دعوه ان شاء الله تستجاب .. اعجبني اسلوبها و كانت جدا راقيه و محترمه .. و استغربت انه في نهايه رسالتها كانت تعتذر مني و تقول انا اسفه ما رديت على مواضيعك .. و قلتها انا ما زعل و لا توقع من كل العضوات الرد .. افرح بالرد لكن الكل يرد على الي يناسبه و لا هو نقص في مواضيعي و لا يعيبني انه ما يرد علي الكل .. عادي .. و لما رديت عليها جلست افكر .. معقول فيه احد يزعل من كذا ... و بعد الرساله الاخيره الي جتني و فيها هوش ليش ما ارد على المواضيع عرفت انه فعلا فيه ناس كذا ..

انا ما اهمل اي رساله خاصه تجيني ... بس ما اقدر ارد على كل المواضيع .. مو نقص فيها .. لا بس قل وقت عندي .. انا ظروفي صعبه و زوجي صاير يحتاج الجهاز كثير لانه فيه برنامج صاير يشتغل عليه كثير .. فا ما اقدر ادخل النت مثل اول .. و اذا دخلت احيانا ما يمديني ارد .. لاني جهازي العربي فيه مشكله لازم اكتب بالورد و بعدين انسخه في النت .. يعني شغلانه .. بس احاول اجتهد .. و افرح كثير اذا جاني راسله خاصه من احد العضوات و طلبت مني اشارك في موضعها .. لانه هذا يدل اني اعني لها شي.. .. و اروح طيران و ارد .. لانه يسعدني اهتمامها .. لكن ما احب ان احد يزعل و يهاوش و يجرح علشان اني مشغوله .. ترى النت المفروض يكون لساعات الفراغ مو وظيفه رسيمه الواحد لازم يسويها ... و الله و ربي يشهد اني اشتاق لكم .. وودي ارد على الكل .. بس ما ودي ارد على احد و حد لا علشان ما زعل الباقين .. و حنا هنا بغربه .. و للاسف بدال ما يصير عالم حواء يفرح صار يضيق الصدر .. من كثر الزعل .. ليش ما ندور العذر لبعضها و نترك الزعل .. ليش ما نصير قلوبنا على بعض اكثر من انه بس يهمنا الرد ..انا شخصيا احاول اتقبل النقد بصدر رحب بس ما احب الزعل .. و افرح ان الوحده اذا صار في نفسها شي علي تقولي ... ترى و الله افرح .. بس اهم شي يكون باسلوب جيد ..
هاه يا بنات ايش رايكم .. و هل هذه الظاهره تصير معكم مثل ما تصير معي ؟ :(