فرق كبير ما بين المطالبة بان تاخذ المراة حقها الشرعي..

وبين ان تساوى بالرجل في كل شي ...!!

فالاول مطلب شرعي .. والثاني مطلب شيطاني...

ليست المرة الاولى في المنتدى يطرح مثل هذا الطرح...!!


اوامر شرعية وقواعد ربانية تجعل للاستفتاء والمناقشة والاستبيان...


فحسبنا الله ونعم الوكيل..

الرجال قوامون على النساء بما فضل الله .. من متى وفي اي شرع يستاذن الزوج من زوجته عشان تسمح له يروح مع اصحابه او ينزل يتمشى اويروح يشتري له شي اما الزوج اللي يسوي كذا اعتبره ماعنده شخصيه ولا له حق يطلب مني احترمه بعد كذا واصلا شرعا الزوجه هي اللي تستاذن الزوج في طلعاتها مو الزوج

لان الرجال في مجتمعنا عندهم عقد نفسيه وحب تسلط وتملك

ودايماً اقول واكرر الحياه الزوجيه قائمه على الموده والرحمه

ومن باب التودد والاحترام ان الزوجين يكون بينهم تفاهم على كل امور حياتهم الصغيره والكبيره

يعني مافيها شي لو الزوج متفاهم مع زوجته انه اذا بيطلع من البيت يجي يعطيها خبر يافلانه طالع المكان الفلاني تبين شي ؟

هذا اسمه ذوق وادب واحترام ، لا قدر الله يصير شي وتحتاجه تعرف مكانه وين

ابداً ماله علاقه بضعف الشخصيه اذا كل واحد يحترم شراكة الزواج والعيشه المشتركه بينهم

للاسف بعض الزوجات ادمنوا الاحتقار والاذلال لدرجة ماعاد يقدرون يعيشون بدون كف او تفله او صد واهانه

اما الزوجه اللي محرومه من الطلعه بدون سبب وماتشوف اهلها الا بالمناسبات هذي عايشه مع زوج اناني مايحب الا نفسه وهو النوع اللي اقصده ببداية ردي متسلط يتملك الزوجه يحسب انه اشتراها بفلوسه

وألوم اهل البنت ليش ساكتين مايجون يشوفون بنتهم ويكلمون زوجها

خلاصة كلامي الزواج مبني على الموده والرحمه اذا اختل هذا الاساس خرب كل شي في الحياه الزوجيه

كترآنه دي اليومين موآضيعكم اللي زي كدآ


ابغى اسآفر لوحدي ليش الرجآل يعددو واحنآ لأ ليش الرجآل رضآهم مهم واحنآ لأ ليش نخرج بإذن وهمآ لأ فين حتوصلو ؟!!!


المهم حبيبتي انا وزوجي الحمدلله نقول لبعض من بآب العلم يعني مثلا قررت اطلع بعد الدوآم أتغدآ مع صحبآتي اتصل ابلغه مو استئذآن قد م هوآ تطمين ويكون عنده خبر


وهوآ كمآن نفس الشي ودآ لأنو رآجل محترم ومقدر م بقول كدآ يعني اللي عندك العكس لا اعوذ بالله
بس يمكن ثقافته انك " حرمه " ع قولتهم او الأفكار اللي زي كدآ

تقصدين انه يبلغها من باب الاحترام انها مو قطعة اثاث بالبيت اشوفه شي عادي وبالعكس هالزوج راقي جدا
وهذي طريقه بالاستاذان اما انه مايطلع الا اذا سمحت له فاشوف انه عيب وماهي حلوه بحق الرجال والمراءه العكس معروف ماتطلع بدون استاذن وهالشي بالشرع مو عادات وتقاليدعشان يدور حولها نقاش وابداء اراء
زوجي اذا بيطلع يقولي وين بيروح ويسأل اذا نبغى شي وهو راجع لكن اذا صار زعلان يطلع بدون مايقول وهالشي قليل ويرسل بالواتس اذا نبغى شي او لا