ليش العجينه ناشفة؟؟!!

السلام عليكم ورحمة الله و بركاته

اشحالكم خواتي

بغيت أسألكم .. كيف اسوي عجينه الفطاير؟؟؟ شوو السر بانها قطنية ...؟؟؟

أنا أخذت طريقة عجينة من هنا في المنتدى .. و اول مرة سويتها كانت رهيبة

قطنية مرررة زي عجينه الصمون و احلى .. و سويت بها خلية نحل
و كنت واايد فخوورة بها و الكل عجبته :27:

عااد المرة الثانية كنت واثقثة من نفسي و رجعت اسويها مرة ثانية بس طلعت نااشفة مرة .. و المرة الثالثة طلعت تنافس الصخر في صلابتها :(

شو السر ؟؟

الطريقة الي لقيتها في المنتدى :

1 بيضة
1 ملعقة خميرة فورية
2 ملعقة سمن
2 ملعقة حليب بودرة مذوبه في نصف كوب ماء دافئ
2 كوب طحين

المرة الاولى عجنتها الصبح الساعه 7.15 تقريبا و خليتها تتخمر لغاية الـ10.. و بعدين حشيتها جبن و خليتها لغاية 12 تقريبا تتخمر.. و بعدين سويتها .. طلعت و لا احلى ..
واايد استانست عليها .. و على بالي صرت خبيرة في المعجنات

المرة الثانية الي سويتها .. سويت نفس المقادير بس ما خليتها تتخمر واايد .. مع ان العجينه انتفخت يعني .. و لما طلعتها من الفرن لقيتها ناشفة :(

المرة الثالثة .. نفس المقادير .. و خليتها تتخمر واايد .. يعني انا عجنتها عالساعه 9 الصبح و خليتها تتخمر لغاية 4.30 العصر .. و بعدين حشيتها و خليتها تتخمر لغاية 7 المغرب .. بس لما طلعت من الفرن كانت صلبة بشكل كبير :16:

ليش ؟؟ شوو السر ؟؟

انا لاحظت ان العجينه معااي في المرة الثالثة كان فيها وايد مااي .. بس ما اهتميت بهالشي . كنت احط طحين على ايدي عشاان افردها و احشيها و اسكرها و ما يهمني بعدين

هل كثرة المااي في العجينة سبب في انها صلبة ؟؟؟


ساعدوني يا خوااتي .؟؟