ليش العوب ( الشريات) أزواجهن يعملون لهن حساب

السلام عليكم جميعا

يابنات انا محتارة مدري منين ابتدي ضاقت فيني الوسيعة
:(

زوجي جنني وكل ماله يطيح من عيني وكل مالي اكرهه والله كنمت اموت فيه احبه وكان كل حياتي اليحن لما اتذكر سواياه احس ودي ازنطه انتو اسمعو واحكمو
زوجي للأسف مهما ضحيت عشانه مايبين بعيونه

مهما وقفت جنبه ينكر ومايعترف بتضحياتي ويقول ماسويتي شي شوفي الحريم شيسون اكثر منج ماشاف نفسه ....مايعدل انا زوجة ثانية بس منه وفيه من ديرتي الاولى من جنسية عربية يمتازن بالعوابه وشرية فضيحة تفضحه اذا قصر معاها انا اسكت واقول بخلي المركب يمشي مو ضعف مني والله لو قلت لاهلي لياقفون معاي وياخذون حقي بس انا مابي اقولهم لان انفضح قدام جماعتنا اذا درو اخواني وقالو لحريمهم اصير فيضحة لان ماشاء الله ماعمرنا سمعنا ان وحدة من حريم عايلتنا متمشكلة مع زوجها راح اصير شاذة بينهم
ادري طولتها معاكم بحاول اختصر
انا من تزوجته قالي ماراح اعطيج ليلتج امهليني كم شهر بالتدريج اقولها وافقت وليتني ماوافقت كل يوم انام بروحي وطبعا هذا سر بينا قال لاحد يعرف تخيلو كنت حامل وخاطرت انام بروحي بشقة ووحام لو اطيح محد يدري عني والله ستر وكان ناوي تطول السالفة ليما هي اكتشفت هالشي كانت بطاقتي المدنية فبوكه ناسيها لاني كنت مراجعة الطبيب قبلها بيوم وهي تفتش شافتها وصاحت عليه قومته من نومه وطبعا درت وصارت مشكله كبيره وكان قبلها يصبرني ويقول اصبري والله ماراح انسالج هالوقفه وهالمعروف المهم باول يوم زواجنا قال شرايج ليش اعطيج مصرف بايدج كل شهر كأنج خدامه اي شي تبينه اشتريه لج وافقت طبعا لاني متفشله اقول لا باول يوم مالت علي :(
وكنت بعد استحي اقوله بشتري وانا توني عروس يعني كل شي عندي وجديد وقعدت على هالحال ومن غبائي اذا بغيت السوق قالي روحي مع اخوانج او السايق عادي سامحلج واكنت اقول احسن عشان اخذ راحتي وطبعا بما اني موظفة صرت اشتري لنفسي ونسيت سالفة المصرف وهو الربحان
قلت اذا خففت عنه وماطالبت راح اكبر بعينه ماكنت ادري اني ساذجة وغبية
بهالوقت الي زوجته الاولى وطبعا هي ليش متغربه الا عشان الفلوس وعوظها وعرفت انه زاد مصروفها عشان تسكت انا ماهمني الفلوس مالت عليهم انا الي همني ااااااااااااااااااااااااه يابنات احساس فضيع لما تحسين ان زوجج متزوجك شان يأدب الاولى ولما تأدبت خلاص صرتي ماتهمينه ومايصرف ومخليج على الهامش ااااااااه
يابنات قولو كلمة حق انا داشة مابي حل بي بفضفض
زوجي علاقته معاي زينه الحمدلله من ناحية الاحترام وانه علاقة الفراش زينة ولكن شالفايدة بقولكم مواقف صارت تثبت انه بخيل معاي فقط
لما ولدت كن نفس الايام اخوه تخرج من الثانوية عطاه هدية 100 دينار واخته ملكت عطاها 100 وانا فبيت اهلي نفاس وخياس مالت علي اقوله اذا ماعندك اعطيك تعطي خوانك مسوية فيها اصيله مع واحد مايقدر ولايستاهل تدرون ليش؟ جاية بالكلام

ولدت دخل المستشفى علبة كاكاو ماجاب داش ايده فاضيه ودش بيت اهلي ايده فاضيه لاتقولون مايدري لا يدري وقلتله قبل لا اولد قال ادري اشوف ازواج خواتي يجيبون ولما قلتله لازم تجيب خروف راح جاب كرتون دجاج
فشلني عند اهلي :(
هذا كله مايهم قلت اكيد يوفر خاشلي هدية معتبره رحت بيتي ناطره الهدية يوم يومين اسبوع شهر لمحتله وين هديتي قال انا مديون ماعندي مع العلم زوجته الاولى بنت الفقر استغفرالله عطاها 200 دينار وانا ولافلس قلتله ليش هالتفرقه؟ قال انتي مومحتاجه عندج وظيفتج سكت وقلت الهدية ماتجي بالغصب وحز بخاطري وعرفت ان مالي قدر عنده لان اخوانه وزوجته الاولى اهم مني وهم محتاجين للهدية وانا مااحتاج وسكت وهذا اكبر غلط الي خلاه يظن ان هالشي موهامني
تمر الايام ولدي يكبر ابي خدامه امه مشلولة والولد بدى يمشي ماتقدرله خدامتها طلبته قال بعدين اثاريه يماطل ليما امل واجيبها من حسابي مع ان كان ماعندي مانع بس بتطمن على ولدي وانا بالدوام
طلبتها ونقصت فلوسي لاني اخذت اجازة من غير راتب على ماتجي الخدامة وكان ناقصني 20 دينار تخيلو الطامة هني الي قلبت حياتي وصحتني وعرفت قيمتي عدل منه
قال باقي عشرين دينار دبريهم قلت منين؟ انا باجازة من غير راتب قال تسلفي؟ انصدمت قلت اتسلف وانت موجود؟
قال ماعندي عطاني ظهره وراح
قمت افكر قلت صرنا اجانب نحاسب بعض على الفلس؟
حز بخاطري وقلت بتسلف ولامنته
شكيت لبنت خالي وهي اعز صديقاتي قالت لاتسلفين خليه يدبر غصب عنه حنا شضيعنا غير الكرامة شوفي الاجنبيات يحاسبون ازواجهم ومايعرفون كرامة هذا اقل شي يسويه مدام مايعطيج مصرف قولي ماني متسلفه عشان عشرين انت ادفع وفعلا سويت مثل ماقالت وسكت ودفع وجاب الوصل حطه على الكمودينو مدري شمعناته يذكرني او يبيني ارجع المبلغ اذا رديت دوامي؟
قالتلي بنت خالي انتي الحين باجازة بدون راتب لازم تطلبينه مصرف على الاقل هالشهرين لما تردين دوامج شلون راح تعيشين؟ قلت بتسلف من خواتي قالت ياغبية زوج مو محتاج بدال الوظيفة 2 عنده امام ومدرس ومعاشه راهي تخلين هالاجنبية تاخذه مع عيالها وانتي عندج ولد لازم يصرف عليكم رحت قلتله قال ماعندي زعلت هددت قلت لو 50 دينار اعتبرني خدامه مو اطبخلك واغسل هدومك بعدين هذا حقي قال محد قالك ماتوفرين من معاشج؟؟؟؟؟؟؟؟؟؟؟
ليش تلعبين بفاوسج ماتخشين لج شي للزمن يابنات هذا كلامه قلت انت سندي واذا ماعندي انت تعطيني قال ههههههههه اقص ايدي ماعنج حلفتله مومصدق حسباله اوفر واجمع مثل الاولى الي تجمع وتدز لاهلها قلت والله ان ماعطيتني حقي لالم غراضي واروح مالي قعده عندك قال ماعندي منين ادبرلج قلت هين وشلت اغراض ولدي وحليب وحفاظات ثاني يوم قلتله يالله بروح لاهلي طبعا هو حسباله عادي زيارة اهلي لانه يوم خميس وانا ساكته بالسياره وقبل لايركب ويحط الاغراض لاحظ الحليب واجد والحفاظ قال عسى ماشر؟ قلت بروح اقيم عند اهلي ضحك وقال لولدي امك هذه تدلع ليلحين مومصدق لانه ماعرف اني جادة اوزعول بيوم من الايام مالت علي ركبنا السيارة وبالطريق قال وين جنطتج؟ قلت ليش؟ اخذها من تحت رجولي وقال هذه عشرة مصرف لج قلت واجد عليك بقعد شهر وتعطيني عشره؟ نسيت اقولكم العشرة عنده مثل الالف لان صعب يطلع منه الدينار ابن الحلال
هو ليما الحين حسباله اتغشمر ثاني يوم دق قال يالله جايكم قلت شنوووووووووو لا حبيبي ماني راجعة انصدم قال عسة ماشر؟ قلت ليا تحس اني زوجتك وتحتاجني وتعترف بحقي تعال اخذني ماني راده قال متى تدرين؟ وهو خايف قلت مدري اسبوع اسبوعين ليما يخلص الحليب والحفاظ قال اكيد؟ قلت اكيد لان لوعندي فلوس كان شريت الحفاظ والحليب ولارجعت قال الله يهديج قلت ومن قال
اف تعبت يابنات اخاف تعبي يروح عالفاضي اذا متابعين قولو والله ماراح اتاخر صارت تطورات كبيرة وعرفت بعدين شلون اتصرف وصارت صدمات كبيرة بس قولو متابعين وابشرو
مارا اتأخر برد بنفس اليوم
تمر الايام