أختي scson
كيف حالك عيوني ؟؟؟
شوفي انا عن نفسي اجهضت مرتين بس كان بدون سبب .. كل تحاليلي سليمه وكمان هرمون الحليب ماهو مرتفع ..
بس أنااستفسرت من كذا دكتورة عن هرمون الحليب وكانو يقولو ان الوحده لمن تحمل ويكون الهرمون عالي يصير غالبا إجهاض ومايكتمل , ولو أكتمل يكون في تشوه للبيبي ..
لان الهرمون حق الحليب بيكون مرتفع وعشان كذا يصير هرمون الحمل منخفض ؟؟
فهمتي قصدي ؟؟
ولمن يصير الحمل وهرمون الحمل منخفض بسبب ارتفاع هرمون الحليب عشان كذا مايكتمل .. وقالت لي الدكتورة كمان لو الوحده كانت تأخذ حبوب لخفض هرمون الحليب بمجرد مايصير حمل على طول توقف العلاج لانه مايصير تاخذه الوحده وهي حامل ..
عشان كذا يا عمري حتى لو ماتبغي دحين تحملي الفترة هذه بس لازم تبدئي تعالجيه لان علاجه ياخذ كم شهر .. والطبيعي بيكون من (4-20) اذا كان في حدود هذا المعدل بيكون طبيعي وماتخافي ..
وطمنينا عليكي ياقمر ..

دانه.. :)
(اهلاً بك حبيبتي..وتسأل عليك العافيه)
اختي انا لي كم شهر وانا اعالجه واستخدم الدبرجين لخفضه..بس حبيبتي احياناً اللي هرمون الحليب عندها مرتفع وتحمل لما تترك الحبوب على طول يرتفع وتسقط..لكن فيه ادويه تنفع ان الحامل تاخذها لخفضه وتكون خفيفه وماتأثر على الحمل..
(كذا الدكتوره قالت..) لانه في حالات ينفع انها تسيب الدوا وقت الحمل وحالات ..لاماينفع.
والله يشفينا جميعاً ويرزقنا.

خلاص ماراح اخذ المنشطات والله خفت بس بستخدم الدوكتنس مع المراميه وانا استخدمت حبوب الباردويل شهر ويوم حللت لقيت الهرمون ارتفع اكثر:( عشان كذا باخذ علاج قوي الي مضيق صدري تقولي الدكتوره انتي النفسيه الي تلعب بهرموناتك لان دورتي سليمه وكل شي مضبوط وحملت باول زواجي من دون منشطات ولايحزنون :( بس وشلون نعدل نفسياتنا !!الله يرحم حالنا بس

عيوني انتي استمري على الحبوب وتراها ممتازه اختي جربتها وخفضت لها الهرمون .. وباذن الرحمن ربي يكتب لك الحمل ويستمر ويخلي زوجك يتلهف على العيال يااااااااااااارب .. ويريح بالك .. وبالنا جميعا ..
طمنينا عليكي .. وماتشوفي شر يارب .. لانك اخت غاليه وعزيزه عندي ..

عزيزتي scson الله يفرحك ويفرحنا جميعا بحمل سليم ويثبت يــــــــــا كـــــــريـــــــم
انا سقطت بحملي بعدانتظار وكان في شهرين وعلى الرغم انه كان فيه نبض ( يعني عايش )
ومن كم سنة سقطت رضه وارتفع هرمون الحليب عندي بعدها .... المهم انا سالت الدكتور اللي بتعالج عنده وقالي ان هرمون الحليب يعطل الحمل فقط وما ينزله ( ما يسقطه ) وارتحت الحمدلله
ومرة قرأت لوحدة من البنات انه دكتور فااااهم قالها ان هرمووون الحليب اصلا يطلع ( يزيد )
مع الحمل ...... >>> ياكثر هذري الله يعينكم ههههه
ونسيت اقول لك اخت صديقتي سقطت في شهرين وطولت ماحملت راحت لدكتورة وحكت لها
وضعها قالت نعمل لك تحاليل ومن ضمنها هرمون الحليب ولقته مرتفع عارفة الدكتورة قالت
لها ايه ؟؟


حالتك وحدة من اثنين ؟
يا تكوووني حامل وعشان كذا ارتفع هرمون الحليب لانه بيرتفع مع الحمل ..... يايكون هرمون الحليب مرتفع ويكون مااانع للحمل وتحتاجي علاج ......
ممكن اسالك حبيبتي انا في الاسقاط الاخير نزل علي دم " الله يكرمك والحاضرين " وكان بداية النزيف ورحت بعدها بيوم للدكتور وطلب مني اعمل سونار وانا رفضت والدكتور اصر عشان يعرف الجنين حي ولا ميت وانا اخاف من الظغط على الجنين اكيد فاهميني
المهموكان سليم وفيه نبض بس انا اقول من ضغط السونار زاد النزيف
( اللهم اجرني في مصيبتي واخلف لي خيرا منها ) الله يعوضنا جميعا خير العوض
ياليت يابنات نعرف هل من المستحسن اجراء سونار عند حدوث بداية نزيف بعيد الشر عنا جميعا فقط لزيادة الحرص .....
حبيبتي والله انك جيتي ع الجرح اعذريني حبيت افضفض لعلمي بسعة صدوركم
لاتنسونا من خالص دعواتكم ولكم مثلها باذن الله .......