ليش المبالغه؟

عندي بعض الملاحظات تقرقع بقلبي :42: :)

بتكلم بكل صراحه واكيد في اللي يوافقني واللي يعارضني بس انا من اعضاء هالمنتدى من فتره طويله والمنتدى رائع وفي تعاون لكن في عيوب ياليتها تتصلح او نقلل منها لان الواحد يفكر يطلع من المنتدى بسببها

اولها

1- بنت تحط وصفه وتكتب تبونها وتعلق البنات 10 صفحات وودها اكثر ! على شنو كل هذا وترجع وتقول انها كانت مشغوله لو صج مشغوله لاتفكر تحط موضوع الا واهي فاضيه

2- كل ما ادخل موضوع الاقي كل شي مضر ويحذرون منه في اشياء صحيحه لكن في اشياء فيها نوع من المبالغه ماباجي شي مامنه خطر بقسم الصحه والتغذيه او بقسم البشره انا مليت من هالموضوع مع العلم ان كل شي مع كثرته مضره حتى الدواء اللي نتعالج منه يعني اعتقد الانسان عنده عقل يسأل ويستفسر ناس متخصصه مو الكل يتكلم ويألف ...

3- الكورتيزون يستخدم بعلاج امراض جلديه مثل الاكزيما وانا آخذ منه لحالات الضروره قبل جم شفت اختي العزيزه ريانة العود متحمله الاذى عشان ماتستخدم كريم في كرتيزون ! لهدرجه زرعتوا الخوف بقلوب البنات ... وانا اقولها بثقه ان مافي علاج موضعي للاكزيما الا الابر وكريمات خاصه لها تحتوي على نسبه من الكورتيزون ... والشيء لما ينوصف للعلاج ثقي تماما ان مافي اي مضره

4- ردود بعض العضوات تكون استفزازيه بالمواضيع اللي تضحك واللي تعلق بهدف السخريه وهالشي يعكس صورتها بعين الناس لان هالشي يقلل من احترامها مو احترام غيرها

5- بعض العضوات المتشددات بالدين اللي يكرهون الناس بالدين ! يدخلون كل شي بالدين حتى الاشياء البسيطه واللي تعتبر دردشه كفروا البنات وحرموا كل شي بالحياه ونسوا ان الدين يسر مو عسر والدين هدايه .. ولاننسى قول الله للرسول بمعناه ( ان لاتكن غليظ القلب ينفظ الناس من حولك ) هذا لأفضل الناس ومن خلق على الارض فمابالكم احنا

اقول آخر شي تواضعوا لله وللخلق ... والله ييسر خطاكم عالطريق الصحيح ويحفظكم :26:

:) وشكرااا