بكلمك عن نفسي
عندي أطفال اثنين وزوجي عنده برود جنسي وما يعرف شي في الرومانسية
لا يضمني ولا يسولف معي ولا يعرف يجيب هدايا
ما يقدر تعبي وأقل موقف يرفع صوته علي كأني أصغر عياله
وإذا كلمته بهدوء يقلب الدنيا وطبعه صعب
فكرت كذا مرة أطلق
وجلست علشان عيالي للأسباب التالية
أولا عياله في وجوده يحسون بالجو الأسري حتى لو كان فيه عيوب
يبقى أبوهم ونبقى أسرة
ثانيا. عيالي صغار ويحتاجون مصاريف ويحتاجون مستشفيات وتطعيمات
يبغى لهم أحد يأدبهم ويشيل مسؤوليتهم معي ما أقدر عليهم بروحي
يبغى لهم أشياء كثيرة ما أملك أسويها بروحي
ثالثا ما أبغى العيال يتربون بعيد عن أبوهم ويكبرون وينكسرون لأن ماعندهم أب
أخوي مطلق زوجته ولده الآن صار كبير عمره 12 سنة
يسأل أبوه ليش الطلاب بالمدرسة معي أمهم وأبوهم بنفس البيت
إلا أنا أمي في بيت وأبوي في بيت ثاني
ما أبغى عيالي يسألوني هذا السؤال في المستقبل
رابعا
خايفة من نظرة المجتمع لي بعد الطلاق
بالذات زوجئ المعيشة معاه ينصبر عليها
يعني الحمدلله ما يشرب ولا يضربني ولا يقصر في أغراض البيت
والأشياء الثانية صابرة عليها ومحتسبة
مع إن كذا أحد أستشيره يقولي إذا الزواج ما يحقق لك الإعفاف من الناحية الجنسية
من حقك تطلقي لكن من هو بيتزوجني ومعي عيال اثنين
يا مطلق يا أرمل يا متزوج
خامسا
مافي أي رجال يقبل ياخذك انتي مع عيالك
حتى لو كان مطلق وعنده كومة عيال
محد يتحمل عيال غيره لا تنكرين وتكابرين
مافيه زوج بيقبلك انتي مع عيالك
كل نماذج المطلقات في مجتمعي يا ما تتزوج وتجلس تربي عيالها
أو تتزوج وتخليهم عند أبوهم وتنحرم منهم
بالذات لو كانت مخلفة بنات هم في أمس الحاجة لها
وأصبر على أذى زوجي ولا أترك عيالي تربيهم زوجة أب
الله أعلم كيف تعاملهم انتي تعرفين زوجات الأب
لو كانت أحسن زمانها تبقى قاسية لأنهم مو عيالها
وأمي طول عمرها تقول
الأب يقول للولد ولدي يا ولدي إنت ولدي دام أمك في يدي
من تروح من يدي ما إنت ولدي
وهي الصادقة يطير في زوجته الجديدة ويضرب المساكين ضرب
ولا كأنه أبوهم ويبغى بس يحر قلب طليقته ياخذهم منها ولا يعطف عليهم
سادسا
مافي أب بيرضى عياله يتربون عند زوج أم
يعني الحكاية هي هي وين ما لفيتي وجهك
عيالك بيتشتتون يا عند زوجة أب أو عند زوج أم ومحد بيرحمهم
وزوج الأم لا كبرت بنت الزوجة تعرفين الاغتصابات والتحرشات
أصبر على أبوهم وأجري عند رب العالمين
ولا أشتتهم هالمساكين يمين وشمال ومحد يبيهم
وإذا تزوجتي لا تفكرين راح يكون عندك وقت لهم
زوجك يبغى كل وقتك وبتجيبين عيال غيرهم
وزوجك راح يدلل عياله قدامهم ويشتري لهم وعيالك يطالعون
هذا إذا أبوهم قبل يخليهم عندك عقب ما تتزوجي
ولا أخذهم وحرق قلبك عليهم
لأن المحكمة راح تحكم له بالعيال بعد زواجك مو من حقك تخلينهم عندك
لا شرعا ولا قانونا
بكلمك عن نفسي
عندي أطفال اثنين وزوجي عنده برود جنسي وما يعرف شي في الرومانسية
لا يضمني ولا...
ادري ان الله كاتب لهم الحياه