ليش الناس صاير اكبر همها المظاهر

طيب مالاحظتو ان الكل صار يتباهى بماله زي قارون

اصحاب الابل يسوون مسيرات نفس الي كان يسويها قارون ويمشون وراها بافخم السيارات

حبيبتي احنا في زمان الله يكفينا شره صحيح ان الله يحب ان تظهر نعمته على عبده

ولكن مو بنفس الطريقه الي صايره الحين

الله يديم علينا النعمه ويحفظها من الزوال والله كل الدول الي حولنا في مصايب الله يبعدها عننا ولا يؤاخذنا بذنوبنا ومعاصينا

وبالنسبه للاخلاق تبدا من البيت والابناء يتعلمون من اهلهم الاحترام واخلاق الحسنه

بعض الاحيان يطلع الانسان من طوره وخصوصا هنا في عالم حواء ياما غلطنا على عضوات وياما غلطو علينا

من شان كذا قبل فتره اتصدقيت بنية اي وحده غلطت عليها وعسى الله يتوب علينا

كلامك صحيح والله أنا كرهت اروح ﻷحد بسبب حب الناس للمظاهر

من زمان والوضع كذا
بس الفرق ان قبل تفشخرهم بانسابهم وبهياطهم في شجاعتهم وبالكرم التفشخري ، تلقينهم يعزمون ناس على مادري كم خروف ويجوعون لهم شهر ماعندهم ياكلون
ويهايطون هياط مو طبيعي بالقصايد ، هياط يشيب منه الراس هههههه

الحين صار التفشخر بالفلوس والماركات والسفريات
+ لا تنسون اننا بعصر غير عصر الناس اللي قبل
يعني قبل مايشوفون الا ذا الغنم ، ولا عندهم شي يهايطون فيه غير العزايم والقصايد
الحين لا صار فيه مواقع تواصل اجتماعي ، صرتي تشوفين وش تغدت صديقتك ووش شرت جارتك وبأي مول زميلتك بالعمل ووين سافرت قريبتك
غير المسلسلات والبرامج اللي تتكلم عن هالاشياء ، المطاعم والملابس والماركات
يعني الناس صاروا يشوووفووون مو مثل قبل ، قبل مايشوفون شي لا نت ولا تلفزيون ولا برامج لا تعد ولاتحصى
ماغير ذا الجارات والقريبات يتجمعون عندك وكل وحده تهايط بنسبها وباقاربها وبكرمها وبشهامة زوجها واخوانها

اقول هالكلام شرح بس ، ولا انا ضد الهياط بالفلوس وغيرها ، اشوفها تصرفات "محدث نعمة" ، تصرفات مشافيح
اتذكر مره كنا نتكلم بهالموضوع ، وقالت لي صديقتي عن بنت شافتها
تقول تخيلي هالبنت امها وارثة ملايين ومابقى مكان بالعالم ماسافرت له وبيتها قصررررر كبير وغنية غنية غنية ، ولما قعدت معها توقعت باسمع كمية هياط غير طبيعية
وتفاجئت ان كلامها ونقاشاتها عادية جدا ماجابت طاري ماركات وسفريات بدون سبب ، صح مبين من لبسها واناقتها ان كل شي عليها غالي جدا بس ماهايطت
عكس البعض تلقينهم متوسطين الحال واغلب المجتمع مثلهم ومن يقعدون الى مايقومون يتكلمون عن فلوسهم وعن المطاعم اللي اكلوا فيها والدول اللي زاروها بهياط وشفاحة مو بسوالف عادية ، هذولا اللي فعلا مشافيح
الشفاحة مو شرط ترتبط بمتوسط الحال او الفقير ، بالعكس فيه ناس فيهم احترام لنفسهم وأدب مستحيل تلقينها تتشفح على اشياء مثل كذا او تهايط فيها سواء كانت فقيرة او غنية
والبعض العكس

عموما لا تخلون هالوضع يأثر عليكم اجتماعيا ومايخليكم تطلعون
عادي تقبلوا الناس بعيوبها وطنشوا طنشوا طنشوا دامهم ماتعدوا عليكم ولا غلطوا عليكم
ادعوا لهم ولانفسكم وطنشوا قد ماتقدرون

شكرا حبيباتي على مشاركتكم وعلينا ان نحاول بقد ما نستطيع ما نخلي المظاهر تءثر علينا والله يعيننا على هذا الزمن

حتى انا والله وكمان عشان الناس صارو مو على نياتهم