ليش الناس مايحبون الشخص الطيب

عواطف تركي :

في فرق بين الطيبه وبين السذاجه الطيبه خلق جميل لها مكانها ووقتها وحدود تكفل لك الاحترام لذاتك وللناس اللي حولك وماتمس كرامتك اما السذاجه مثل اللي عايش فوضى يهدر طاقته ومشاعره ويضحي على الفاضي والمليان عشان يرضي الناس حتى لو على حساب راحته واحترامه لذاته وكرامته وهذا الشي غلط اسمها سذاجه مو طيبه وخذيها قاعده محد يقدر يركب فوقك إلا لما انتي تحنين له ظهرك ولما تعودين الناس ان طول عمرك كل شي يجيك منهم تتقبلينه وتبلعينه حتى اذا ما اعجبك بدون رد فعل هذا الشي يخليهم يعتقدون انه عادي وانهم ماغلطو فلا تجين بعد سنوات تنفجرين بحجة انك ساكته من زمان اسمحي لي اقول هذا غلطك انتي لان الناس ماتعلم الغيب ولا تعرف اللي في داخلك بقلبك عليهم شفتي صديقتك كيف ثارت وزعلت وتضايقت لما قلتي لها كلام يزعجها ترى تصرفها طبيعي اللي مو طبيعي هو انك تتعاملين مع الناس بسذاجه طول عمرك وعودتيهم على الصمت والتضحيه وان كلامهم عادي ثم تزعلين ليش استغربوا انك تغيرتي عليهم اتمنى انك فهمتي قصدي حقك تزعلين وتعبرين عن رايك لكن لا تستغربين رد فعل الناس وزعلهم وتظنين انهم بيكونون مثلك يسمعون التهزيء ويسكتون يعني لا تقيسين ردات فعل الناس بناء على شخصيتك لان الناس مختلفين وهذا هي الحياه تعلمك دروس من تجاربك ان شاء الله تفهمينها وتساعدك تصححين اخطاءك

في فرق بين الطيبه وبين السذاجه الطيبه خلق جميل لها مكانها ووقتها وحدود تكفل لك الاحترام لذاتك...