لانه المراه طبيعتها تحب تهتم بجمالها والرشاقه من ضمن الجمال
والسمنه اخراض وبلاىي الرشاقه صحه
انا ماتكلم عن الصعف مثل عارضات الازياء بالعكس مو حلو بس الجسم المرتب افضل
وبالنسبه المفروض تصير اضعف من زوجها ماحس انه قاعده عادي انا اكره السمنه في المراه والرجال الله ينحفنا بصحه وعافيه

وش دخلك بالرجال اطالعين اجسامهم يا وقحه شفتي كيف كلن يرا الناس بعين طبعه طلعتي على حقيقتك مثل ما تلاحقيني وتسبيني بلاحقك
موتي قهر🤣 وماراح ارجع اقرأ ردودك الوصخه مثلك صاحبة الموضوع اعذريني بس هالوقحه دايم تلاحقني وتقذفني برد لها الصاع صاعين

نععععععم !!!
ايش مو حلو تصير اسمن منه والناس ماتتقبلها ومدري ايش
اول شي
مسألة مين اسمن انتي ولا زوجك معليييييش كيف فكرتو في كذا اصلا !! هذي مراءه وهذا رجل وكل واحد له طول ووزن وكل واحد له جسمه اللي يختلف كليا عن الثاني


واما الناس
لا تتقبل وتحب السمينه وتحب جلستها
معليش هذي حقيقه ومحد ينكرها وانا اول وحده فيكم
واذا سمينه خير ياطير كل واحد حُر في جسمه ينحف يسمن احنا وش دخلنا اهم شي انه بصحه وعافيه وصلى الله وبارك


مو معقولين على التفكير هذا ابدا

أنا كنت سمينة ونحفت والفرق شاسع في كل شي ..
السمنة شي سيء شكلا ومضمونا اللهم نسألك العافية .

للاسف الكل يتكلمون عن الاجسام بطريقة سطحية جداً

بس احب اذكركم محد فيكم اختار جسمه ولا جيناته ومواصفاته الوراثيه الله هو اللي خلق اجسامنا مختلفه

ويوم تعترضون على السمينه وتطالبونها تنحف تظنون انها كانت تنتظركم تطلبون منها ؟

متأكده 100 % ان كل سمين وسمينه على وجه الارض كانت لهم معارك مع الدايت والرياضه واغلبها فشلت

كذلك اللي يعانون من النحافه الشديده كانت لهم معارك ومحاولات لزيادة اوزانهم واغلبها فشلت

والاحظ الاغلبيه من الناس يتباهون بأوزانهم ورشاقتهم ويتنمرون على السمان والنحاف خاصة بعد الحمل والولاده انها ترجع رشيقه ياحبيبتي مو بإختيارك هذا جسمك طبيعته يتجاوب معك ومايخزن دهون ومعدل الحرق عندك سليم مو مثل غيرك اجسامهم قابله للسمنه وعندهم لخبطة هرمونات وغدد مايقدرون ينزلون بسرعه .

من سنوات كنت احاول انزل وزني كم كيلو والحمدلله نحفت 13 كيلو مو لاني سمينه بشكل مفرط بس لان الناس اللي كنت مخالطتهم واللي حولي اغلبهم اذا مو كلهم نحاف ورشيقات مافيهم ولا كيلو زايد يعني انا جنبهم اعتبر دبه .
وبس اقول كفايه استنقاص وتنمر على الناس بناء على اشكالهم واحجامهم لان غالباً الاوزان الزايده او الناقصه اصحابها فعلاً يعانون ويحاولون يحسنون اوضاعهم لكن مو قادرين يستمرون ومو منتظرين منكم تقولون لهم انحفو