مرض الغرور او التكبر على الناس الله يعافينا

بنات امس انقهرت بخصوص الموضوع ذا انا اخذت كماليات ابيعها على نت صديقاتي يقولون من بيشتري ذا الاشياء غيري فكرتك يحسسوني ان عملي بيفشل مادري ليه كذا تعاملهم بس طنشتهم بس جاني قهر منهم..

👍

في مقولة جميله لأدونيس " انت لاتكرهني أنت تكره الصورة اللي كونتها عني وهذه الصورة ليست انا ، إنها أنت"
غالباً لاينتقص الا انسان غير واعي يعاني مشاكل في تصالحه مع ذاته يبني ثقته واحساسه بالرضا عن طريق الإنتقاص من الآخرين والتقليل من شأنهم بغض النظر كانت سخريته امام الناس او حتى بينه وبين نفسه
ولاينتقص من االناس ويقلل من قيمتهم الا من يحمل نفس الصفه اللي ينتقص فيها خصمه ويحاول يثبت لنفسه قبل الناس ان هذه الصفه مو فيه إنما في غيره وهو يشوفها مدعاه للضحك والسخريه بينما الواقع العكس تماماً هو يحاول ان يوهم نفسه انه مميز بالطريقة هذي ومنزّه بينما الواقع هو غرقان لشوشته بالصفه اللي يعاير فيها ضحيته البريئه

صباح الرضا والسعاده والتوفيق باْذن الله

سبحان الله يوم فتحتي الموضوع فيه وحده من صديقاتي ربي رزقها هي واخواتها الجمال واخواتها تبارك الله القوة الا بالله مدرسات ومتزوجات وعايشات حياتهم عادي بس المميز فيهم الجمال ويمكن الوظيفه المرهم خويتي أصغرهم ومش متزوجة ولا موظفه بس أجملهم الموهم تقول وحده من قرابتهم حييييل تستنقص هالبنت واخواتها حيييييل ونقط كلام وتحاول تكسر مجاديفهم دائما مع أني والله اعرف خويتي واخواتها يعاملون هالمرة معامله خياليه ويعطونها هدايا ويحترمونها ويقدرونها حتى عند الناس بس مافيه فايده أبدا وسبحان الله عمر خويتي واخواتها ماشافوا أنفسهم عليها أو مدحوا أنفسهم والله اعرفهم زين والمره هاذي ربي فاتح لها أبواب الرزق من مال وعيال وبيت وجيران وعلاقات ومع كذا مو شايفه نعمتها أبد الحين الصغيرة خويتي متاذيه حييييييل من هالادميه بحكم انها مو متزوجة فدائما تشوفها تقول انواع قط الكلام والتحطيم وتضايق صديقتي مو علشان كلامها لا تقول ليش العداوه أنا عمري مغالطات عليها وبعد هالسنين اكتشفت البنت ان هاذي القريبة تأكلها نار الغيره من خويتي واخواتها وهذا سبب تعاملها كذا