حبيت اسأل ... ليش الوحده اذا تزوجت يصيرون اهلها قاسين وتتغير نظرتهم لها ؟؟
عندكم هالشعور ولا بس انا ؟؟!
خاصة ابوي .. تغير .. مع انه قبل اتزوج يقولون خواتي انتي اقربنا له ويحبك اكثر وحده
قبل اتزوج كنت لحالي بالبيت .. انا اصغر خواتي وكلهن متزوجات
كان يرحمني على الاقل وياخذ رايي ويعتبرني مهمه
الحين يحسسني اني غريبه وانهم صارو عايله مستقله واني لازم ازورهم وارجع واذا قلت رايي بشي يخص البيت قالي كلمه تسكتني واندم اني فتحت فمي !!!!!!!!
يحس ان خيري ومجهودي واهتمامي راح لولد الناس عشان كذا خلاص تغيرت المعامله !!!
طيب مايكفي اهتمامي فيكم قبل اتزوج وحرصي عليكم .. بدال ماتفرحون لي بالاستقرار والستر
شغالتهم مسافره والمشكله ابوي السبب بسفرتها هواش واوامررر لين كرهتهم وسافرت
وامي تعبانه وكبيره بالعمر ياعمري عساها تخدم نفسها ..
كل ماجيت يبون يستفيدووووون مني بأي مجهووود حتى لو تافه .. اهم شي يحسون اني اتعب لهم وابذل مجهود .. كأنهم يقولون مثل ماتتعبين لولد الناس حنا اولى !!!! متحسف انه زوجني !!!
تخيلو زوجي مسافر وجالسه عندهم كم يوم
وحامل بالتاسع بدال مايقول ارتاحي واجلسي وجيبو لها وقربو لهااا والله يعطيك العافيه .... كل ماشافني عطاني اوامر شكل ..
مره ابي شاهي واذا جبت له الكاس قال ارجعي جيبي زنجبيل واذا جبته قال ارجعي ابي شابوره !!!!!!! طيب قلها لي من الاول واجيبها مره وحده مو لازم تتعبني رايحه جايه ! بس السالفه استفزاز
ومره روحي الحوش افتحي الدينمو ومره اكوي ثيابي ومره جيبي لي شراب واذا جبته قال غيريه ماابيه
والمشكله كل ماجلس مع وحده من خواتي قال لها ماااش فلانه تجي ولاتطبخ لنا ولا تسنع لنا شي
وزود خواتي مايعاملهن كذاااا بالعكس يحترمهم ويعدهم ضيوفه اذا جوو
وأمس يقولي سوي لنا كيك!!!!!!!!!!! من القهر قلت تعبانه وبولد مافيني حيل على الكيك !!
ابوي بحياته مااكل كيك وطول عمري اسوي انواع الحلا ومايحب هالخرابيط .. اصلا فيه سكر ... يعني لو قال سوي مرقه او رز ممكن اقتنع .. بس السالفه يبي يشوفني اتعب عشانهم واني مو جالسه فاضيه
حتى زوجي مايبيه وسوى معه مشكله من اول 3 شهور تزوجنااا وقاله اذا كنت مليت منها طلقها !!! المشكله اننا كنا متراضين وقتها انا وزوجي بس مالقى كلمه يقولها عشان يقهره غيرهااا !! وكان هو الغلطان وفشلنيييي عند زوجي لولا ان ولد الناس طلع عااااااقل وعرف ان ابوي كله واحد عنده
يعني مستقبلي ماهمه .. بدال مايدور لي الستر ويدور اللي يسعدني مع زوجي ويفرح لي بالاستقرار والحمل والزوج الصالح ماهمه اتزوج ولا اتطلق ولا اروح ولا اجي كله واحد
تخيلو اول زواجي يوم كنت عروس كل ماجت سيره الطلاق الكثير والشباب اللي يطلقون حريمهم علطول جاب سيرتي وجيب بباله !!!!! يقول الحمد لله فلانه الى الحين راكدين مع ان الطلاق واجد !!!!!!!!
اشياء واجد ماقلتها عنه وعن اطباعه وتصرفاته خلت كل اللي حوله ينفرون منه
من اهمال لبيت اهلي كل شي خربان الانوار والحمامات والمكيفات قديمه والفرن يخووف والمكنسه وكل شي كل شي..
ومايجيب الا الرخيص مع انه غني غني غني
تخيلو لو احد اهداه شي يطيرررررررر من الفرحه كأنه فقيررر
مقصر على نفسه بالثياب والجزم وكل اغراضه قديممممه
ويهاوش ويتحرش بالشغالات
وخواتي اذا اجتمعو بالبيت ظاق صدره مايبي الونس ولا الناس
اهمل عياله من زوجته الثانيه اللي مطلقها حتى مصروف مايعطيهم الا شهر وينساهم شهور ولا مقاضي يحط عندهم ولااااا شي
ويزعل عليهم بعد !!! يقول ليش مايعايدون ابوهم بالعيد !!!
تخيلوووووو غني وعنده بيوووت ومحلات واجارات و استراحات وعياله الناس يتصدقون عليهم
باختصار ابوي يقهرر يقهر يقهررر
ماابي منكم حل لان مافيه حل
بس ابي افضفض
الحياة حلوووة @alhya_hlooo
عضوة نشيطة
يلزم عليك تسجيل الدخول أولًا لكتابة تعليق.
بالعكس انا احس ابوي يحن علينا اكثر من اول..
ويستنانا بس نجي عنده
بس يمكن انتي ابوك هذا طبعه من زمان ماله دخل بزواجك..
نهنا كان هذا ابوك لو وش يسوي ماتزعلين منه
ويستنانا بس نجي عنده
بس يمكن انتي ابوك هذا طبعه من زمان ماله دخل بزواجك..
نهنا كان هذا ابوك لو وش يسوي ماتزعلين منه
ياقلبي عليك مهما كان هذا ابوك بري فيه في حياته وقللي زيارات او اولدي في بيتك افضل واذا سأل عنك واستغرب ان زياراتك قلت قولي في بيتي ارتاح وانت اذا جيتكم شغلتني الله يهديه ويصلح حالهياقلبي عليك مهما كان هذا ابوك بري فيه في حياته وقللي زيارات او اولدي في بيتك افضل واذا سأل...
عادي تحصل كثير ومهما كان برك فيه سبب لدخولك الجنه وضحكتني يوم قلتي كيك عادي لاتردينه كان قلتي من عيوني اتوقع ابوك ماخذ رده فعل بعد زواجك وحاب يشوف بنته الاوليه اللي ماترفض له طلب
ترى كثير زيك وازيدك من الشعر بيت انا متزوجه واذا رحت لهلي يزعلون اذا ماسويت شئ هونيها وتهون اهلك وعزوتك وادعي لبوك بالهدايه واصبري عليه
ترى كثير زيك وازيدك من الشعر بيت انا متزوجه واذا رحت لهلي يزعلون اذا ماسويت شئ هونيها وتهون اهلك وعزوتك وادعي لبوك بالهدايه واصبري عليه
the*wife
•
بالعكس ابوي يستانس اذا جيت مع عيالي و يحن على مرة و اذا جيتهم يجيبلي الشي اللي احبه و صرت اقرب من اول عنده مدري يمكن عشاني البكر لابوي و فرحان فيني ؟ مدري
الصفحة الأخيرة
مهما كان هذا ابوك بري فيه في حياته
وقللي زيارات او اولدي في بيتك افضل واذا سأل عنك واستغرب ان زياراتك قلت قولي في بيتي ارتاح وانت اذا جيتكم شغلتني
الله يهديه ويصلح حاله