بصراحه انا ودي اتكلم عن شئ مضايقني
إللي هو اني ملاحظه هالأيـام انوا طغى على قلوبنا الحسد
وصرنا ماودنا احد يصير في خيرواحسن منا ابدد حتى لو قريب من قلبنا نحسده
ولاتقولون اني ابالغ والله ماابالغ لانوا والله هالشئ جد صاير
يعني معقوله صار الواحد يحسد اخوه والوحده تحسد اختها اذا كان عنداختها شئ
وهي فاقدته مثلآ تقول ليش اختي تزوجت قبلي وانا لأ >ـ<
مع اني انا الكبيره وانا حلوه واجتماعيه والكل يشهد لي بها الكلام
وليش صديقاتي اللي توظفت واللي وتزوجت وعندها عيال وانا قاعده
لازواج ولا وظيفه ...
وانا احلى منهم واكشخ منهم ماتزوجت ولآ توظفت ...
طيب هذا رزقهم حنا مانقدر نمنع الرزق عن احد
ولانجلبه لأحد ~
وانتي وش دراكـ يمكن ان صديقتك موسعيده مع زوجها
او صديقتك الموظفه يمكن اهلها طمّاعين و ياخذون راتبها كله
وتعيسين في حياتهم لاتغرك المظاهر ابد
ياما ناس تحسين انهم مالكين الدنيا كل شئ عندهم
بس لو تعمقتي في حياتهم الخاصه شفتي انك افضل منهم
بكثيييييييييييييييير وحمدتي ربي انك مو مثل عيشتهم
يعني تغترين وتقولين فلانه كل شئ عندها
وهي مسكينه في الأصل تتحسر على حالها
ولاتدري انك حاسدتها على مظاهر خداعه
والله لوتدري يمكن تضحك على تفكيرك وانكـ
تحسدينها على التعاسه اللي هي فيها
لاتخافين حبيبتي رزقك محفوظ عند رب العالمين بس مابعد ربي يأمر انك تاخذينه
وربي اقسم ان رزقك محفوظ عنده
معقوله تخشين وتخافين انك ماتتزوجين
وتخافين انك ماتحملين بالذريه
وتخافين انك ماتشفين
وربي قال لك ان انه حافظ رزقك ولاتخافيين
واقسم بذلك وقال :
(وَفِي السَّمَاءِ رِزْقُكُمْ وَمَا تُوعَدُونَ *فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ) (الذريات:22-23)
وش تبين ازيد
من القسم الرباني فورب قسم عظيم من رب
عظيم ان رزقك موجود لاتخافين
خلونا نفكر بجديه ونقول لأنفسنا ليه نحسد الناس..؟
إللي ربي رزقهم الله يهّنيهم ويباركهم لهم
في اللي عطاهم,,,
وانا لو ربي شايف انه خيره لي الزواج او الوظيفه
او الحمل او الصحه .........ألخ
عطاني اياها ربي مايظلم احد ابددد
كلنا عبيده ومافي فرق بينا عنده الأبالتقوى
واللي عطى فلانه قادر انه يعطيك افضل من اللي عندها
بس احسني الظن باللي خلقك
وربي كررريم ...
ولاتخلين قلبك اسود وتحسدين الناس على كل شئ
ويمكن انتي عندك أشياءاحسن منها بس
انتي
طفشتي من اللي عندك
وقمتي تطالعين في نعمة غيرك
يعني في اشيااااء احس ماله داعي ان الناس تحسد عليها
تلاقينهم اللي تحسد صديقتها على جسمها الضعيف
وهي ليش مليانه شوي
والله ياما مليانين احلى جسم من الضعّاف *ـ^
اوليش هي شعرها خشن وبنت خالتها شعرها ناعم
وش هالتفكير المقصور
ابي افهم اذا حسدتي غيرك وش تستفيدين
هل تتوقعين ان النعمه اللي فقدتيها بتتحّول لك
اول ماتزول عنها...؟
اكيد لأ ماراح يطولك شئ إلا بأذن الرحمن
اذا ربي كاتب لك رزق بتاخذينه
والغريب انوا بعضهم اذا قلتي لهم قولوا ماشاء الله تبارك الله
تقولك ليش وانا بحسدك
وبعضهم تزعل اذا قلتي لها قولي ماشاء الله
طيب وش تخسرين لو قلتي ماشاء الله تبارك الله
ماتدرين والله العين حق ويمكن تصيب عينك وتحسدينها
وسبحان الله الحسوده دائما تشوفينها مهمومه
تدرين ليه لأنها مومقتنعه باللي ربي عطاها وساخطه على ربها وعلى الناس
ودايم
تشوف النعم اللي عندالغير وتبيها لها هي وماتبيها لأحد غيرها ...~
ما لعن ربي إبليس وصار في جهنم إلا بسبب حسده لأبينا آدم
وماقتل قابيل اخوه هابيل إلا بسب حسده
صحيح ان الحسد موجود في كل انسان بس الواحد
يحاول انه ما يفسح المجال للوساوس الشيطانيه
وكلما حسيتي انك بتحسدين احد تذكري كلام ربي
: (أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا).
واعرفي ان الأرزاق مقسمه من عند رب العالمين ماأحد له دخل ولايد في شئ
قال الحسن البصري: "ليس من ولد آدم أحد إلا وقد خلق معه الحسد، ولهذا يقال: ما خلا جسد من حسد، لكن اللئيم يبديه والكريم يخفيه".
كان في زمن الرسول صلى الله عليه وسلم رجل ماعرف بكثرة الصيام
ولاكثرة قرآن ولابنبوغ علم وفقه في الدين ومع كذا نال مرتبه عاليه
والدرجات العليا تتوقعون ليه ...؟؟؟
قال الراوي وهو أَنَسُ بْنُ مَالِكٍ: "كُنَّا جُلُوسًا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ: يَطْلُعُ عَلَيْكُمْ الْآنَ رَجُلٌ مِنْ أَهْلِ الْجَنَّةِ، فَطَلَعَ رَجُلٌ مِنْ الْأَنْصَارِ تَنْطِفُ لِحْيَتُهُ مِنْ وُضُوئِهِ - أي تقطر وتسيل - قَدْ تَعَلَّقَ نَعْلَيْهِ فِي يَدِهِ الشِّمَالِ، فَلَمَّا كَانَ الْغَدُ، قَالَ النَّبِيُّ صَلَّى اللَّهُ عَلَيْهِ وَسَلَّمَ مِثْلَ ذَلِكَ، فَطَلَعَ ذَلِكَ الرَّجُلُ مِثْلَ الْمَرَّةِ الْأُولَى، فَلَمَّا كَانَ الْيَوْمُ الثَّالِثُ قَالَ النَّبِيُّ صَلَّى اللَّهُ عَلَيْهِ وَسَلَّمَ مِثْلَ مَقَالَتِهِ أَيْضًا، فَطَلَعَ ذَلِكَ الرَّجُلُ عَلَى مِثْلِ حَالِهِ الْأُولَى.
فَلَمَّا قَامَ النَّبِيُّ صَلَّى اللَّهُ عَلَيْهِ وَسَلَّمَ تَبِعَهُ عَبْدُ اللَّهِ بْنُ عَمْرِو بْنِ الْعَاصِ فَقَالَ: إِنِّي لَاحَيْتُ أَبِي، فَأَقْسَمْتُ أَنْ لَا أَدْخُلَ عَلَيْهِ ثَلَاثًا، فَإِنْ رَأَيْتَ أَنْ تُؤْوِيَنِي إِلَيْكَ حَتَّى تَمْضِيَ فَعَلْت. قَالَ: نَعَمْ.
قَالَ أَنَسٌ: وَكَانَ عَبْدُ اللَّهِ يُحَدِّثُ أَنَّهُ بَاتَ مَعَهُ تِلْكَ اللَّيَالِي الثَّلَاثَ، فَلَمْ يَرَهُ يَقُومُ مِنْ اللَّيْلِ شَيْئًا، غَيْرَ أَنَّهُ إِذَا تَعَارَّ وَتَقَلَّبَ عَلَى فِرَاشِهِ ذَكَرَ اللَّهَ عَزَّ وَجَلَّ وَكَبَّرَ حَتَّى يَقُومَ لِصَلَاةِ الْفَجْرِ. قَالَ عَبْدُ اللَّهِ: غَيْرَ أَنِّي لَمْ أَسْمَعْهُ يَقُولُ إِلَّا خَيْرًا.
فَلَمَّا مَضَتْ الثَّلَاثُ لَيَالٍ وَكِدْتُ أَنْ أَحْتَقِرَ عَمَلَهُ، قُلْتُ: يَا عَبْدَ اللَّهِ، إِنِّي لَمْ يَكُنْ بَيْنِي وَبَيْنَ أَبِي غَضَبٌ وَلَا هَجْرٌ ثَمَّ؛ وَلَكِنْ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ لَكَ ثَلَاثَ مِرَارٍ: يَطْلُعُ عَلَيْكُمْ الْآنَ رَجُلٌ مِنْ أَهْلِ الْجَنَّةِ، فَطَلَعْتَ أَنْتَ الثَّلَاثَ مِرَارٍ، فَأَرَدْتُ أَنْ آوِيَ إِلَيْكَ لِأَنْظُرَ مَا عَمَلُكَ فَأَقْتَدِيَ بِهِ! فَلَمْ أَرَكَ تَعْمَلُ كَثِيرَ عَمَلٍ! فَمَا الَّذِي بَلَغَ بِكَ مَا قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ؟!.
فَقَالَ: مَا هُوَ إِلَّا مَا رَأَيْتَ، قَالَ: فَلَمَّا وَلَّيْتُ دَعَانِي، فَقَالَ: مَا هُوَ إِلَّا مَا رَأَيْتَ، غَيْرَ أَنِّي لَا أَجِدُ فِي نَفْسِي لِأَحَدٍ مِنْ الْمُسْلِمِينَ غِشًّا، وَلَا أَحْسُدُ أَحَدًا عَلَى خَيْرٍ أَعْطَاهُ اللَّهُ إِيَّاهُ.
فَقَالَ عَبْدُ اللَّهِ: هَذِهِ الَّتِي بَلَغَتْ بِكَ، وَهِيَ الَّتِي لَانُطِيقُ". .
ختامــآ أقــول:
اللهم لاتجعل في قلبي ذرة من كبر او رياء او حقد او حسد
اللهم قنّعني بما رزقتني ...~
اللهم أني أعوذ بك من نفس لاتشبع وعين لاتدمع وقلبٍ لايخشع ودعوة لايستجاب لها
إن أصبت فمن الله وإن أخطئت فمن نفسي والشيطان
لاتنسوني من دعائكم
اذا بتنقلينه لاتنسين تكتبين منقول ^ـ^
منقوووووووووووووول
والله صدق اللي كتبه
وتسلم يدك اللي نقلته
الف شكررررر