ليش انا كذا؟؟ انتم مثلي ؟!!

اليوم سهرانة طبعا كالعادة لحالي زوجي نايم :40: <<<<< اكيد بينام وراه دوام
جلست افكر فيني <<<<< وش رايكم في المخ
افكر في طريقة تعاملي مع الناس والاشياء والذكريات والبيوت اللي سكنتها والسفريات اللي سافرتها والمناسبات السعيده اللي عشتها والمواقف التعيسه اللي مرت علي بحياتي اللي راحت كانها حلوم ليل من جد اقول كيف ما توفيت من كبرها <<<<<< عمر الشئي بئي على قولة اخواننا المصاروه <<<لا تعلقون صديقاتي في المنفى يسمونهم كذا:hahaha: خخخخخخخخخ

اكتشفت شيء غريب أنا ما أتعلق بشيء أبد أو يأخذ مساحة من تفكيري مثلا :
الناس : كثير صادفت ناس بحياتي واجبرتني الظروف اكون علاقات معهم احيانا اشوفهم بالاسبوع مرتين ثلاث وكنت مبسوطه معاهم مررررررره ولما اجي افارقهم احس الحياة بتتوقف بس لما راحوا نسيتهم بسرعه خياليه وقلت اتصالاتي فيهم ما ادري هل هي صفة زينه فيني أو لا بس احسها مو حلوه ما انقطعت عنهم بس مثلا وحده منهم لي 3 سنوات مدري عنها وكل مره اتذكرها بتصل وانسى
هذا مع اللي احبهم عاد اللي يكون بيني وبينهم موقف سيء او تكون صديقتي او بمعنى اقرب صديقة غربه واشوفها كثير وتظلمني مره او تخطئ بحقي خلااااااص اطنشها وما كانها انخلقت لو تتصل مليون اتصال ما أرد مدري يمكن نفسي طابت منها أو صدمة مشاعركانت بالنسبة لي وما أأسف عليها أبدا أشيلها من راسي ومن تفكيري
ليـــــــش أنا كـــــــــذا ؟؟؟؟ :boom:

أما الأشياء فهذي قضيه كانها قضية فلسطين :42: ما أحب احتفظ في شيء دايم أحب التغيير يعني اسافر مكان زوجي يحب يجيب ذكريات من الاماكن اللي نسافر لها ويقول لي أعرضيها قدامي خلينا نتذكر ولكن لا حياة لمن تنادي تترك في الأدراج ومع مرور الزمن تروح للزبالة وانتم بكرامه :crap:

آخر شيء تدرون وش صار يجيب علشان يتذكر


أكواب مكتوب عليها شيء يذكرنا بالدولة اللي سافرنا لها خخخخخخخخخخخخ
لـــــــيش أنا كــــــــــذا ؟؟!!

أما البيوت ههههههههههه أحس أني قليلة خاتمة من جد بحكم تنقلنا من مدينه لمدينه كل سنه أنا في بيت وإذا سكنت البيت أعشقه عشق اللي يشوفني يقول وش بيصير لها إذا طلعت منه
ولما أطلع والله ما أكذب عليكم أكرهه هههههههه مره سكنت بيت كان في طريق خواتي لما يروحون لبيوتهم ويرجعون لها ولما طلعت منه كنت لما اروح لاخواتي حتى مجرد التفاته ما التفت مع أني كنت مبسوطه فيه أما زوجي فكل ما مرينا قال شوفي بيتنا هههههههه وأقٌول مهوب بيتنا بيت الناس ههههههههه <<<<<< يا زينك ساكته
لــــــــــــــيش أنا كـــــــــــــذا ؟؟!!

الصور وأشرطتنا تصدقون أصور لما أسافر علشان يشوفونها أهلي أما أنا ما يهمني أني أشوفها :cool: حتى شريط زواجي والله أحيانا زوجي يقول شغليه خلينا نشوف أشرطتنا وأصرفه بأي شيء ما أحب أشوفها
ليـــــــــــش أنا كــــــــــــذا ؟؟!!

مـــــــــــــــدري
مـــــــــــــــدري
مـــــــــــــــدري


اللي مثلي أو عندها تفسير لهالسلوكيات اللي فيني تتصدق علي وتعلمني هل هذي صفات حلوه فيني أو لا وإذا شينه كيف أتخلص منها مع العلم أن زوجي عكسي تما111111ما وبقول لكم شيء أنا ما أتضايق من تصرفاتي هذي بالعكس مبسوطه مررررره وأنا كذا بس أنا أعيش في مدينه مليانه ناس مهوب في جزيره لحالي فيمكن تصرفاتي هذي تضايق اللي حولي وتكون سبب في المشاكل وأنا مو منتبهه أساسا ويحسونها حقران أو لا مبالاة وانا والله ما أقصد كذا بس ليش أنا كذا مـــــــدري:42: