ليش انا كذا ياربي😭

السلام عليكم
مالي بالطويله لاني حيل طفشانه والله
المهم انا ساكنة قريب من أهل زوجي مرررره يعني اعرف كل شي عندهم ويعرفون كل شي عندي حتى اطلع لهم من دون عبايه وعيالي دااايم عندهم يعني كأننا في بيت واحد
ألمهم والشاهد رب العالمين والي روحي بيده عمري من تزوجت لي 10 سنوات مارفعت صوتي ع عمتي والا صار بيننا مشكله لا هي ولاحمواتي
رغم أنهم استفزازيين وأشياء كثيره مالي خلق اتكلم فيها
المهم يعني بالعربي هما دايم يستفزوني والصراحة مو البنات لاوالله إلا عمتي أم زوجي الله يهديها
المهم في عندي زواج قريبي ولد عمي يصير والعروس بنت خالتي والزواج في مدينه ثانيه رحت اليوم انا وعيالي وزوجي نفطر عند عمتي شوي إلا تسأل ولدها إلي هو زوجي انتم بتسافرون للزواج؟؟؟ قالها أن شاء الله
والله العظيم انها قالت ماهو لازم الزواج تريحو
بالحرف الواحد وسكت ولا تكلمت ولا بحرف وربي شاهد عليه ومطلع
شويه إلا تسأل ولدها زوجي تقول انت اعطيت فلانه فلوس؟؟؟؟؟!!!!
استغربت انا هو عرف قال ايوه اعطيتها اخوها وقلت وصلها لها قولها من زوجك السالفه أن فلانه ذي زوجة أخوه يعني حماتي وزوجها عسكري في مدينة بعيده وطلب من زوجي يعطيها فلوس لانها بتحضر نفس الزواج الي انا بحضرة
المهم قال اعطيتها الفلوس وش قالت عمتي؟؟
الرد الي قهرني يابنات قالت أي والله اعطها تبغي تحضر الزواج وتبغى تتحنا للزواج
انا ماعندي مشكله في الفلوس وليه يعطيها ولا يعطي أمه وخواته الحمدلله لي 10 سنوات عمري ماتكلمت معاه بذا الشي فلوسه وهو حر رغم أنه أحيان يقصر ع بيته عشان يسلف إخوانه ولا يقضي لخواته
الي ذبحححني انو الزواج يقرب لي أنا يعني البنت بنت خالتي والولد ولد عمي وتقوله مو لازم تحضرون وحماتي والله مايقربها البنت أبد والولد قريبها من بعيد مدري وش يصير لجدها طيب مو حرام تقول لزوجي مو لازم انا اروح وحماتي تقوله عطها فلوس عشان تحضر وتتنقش
مع العلم اني انا مافي قرابة بيني وزوجي من بعيد جماعه بس
وحماتي تصير بنت أخت عمتي يعني أم زوجي خالتها
مشكلتي يابنات مااعرف ارد أبد ولا أتصرف مدري ليش انا كذا كان بإمكاني اقول إلا والله بحضر ليش مو لازم بس مااقدر اغير طبعي أبد
وأشياء كثير تسويها لي وماترد ولا اتكلم أبد مو خوف بس طبعي وترببتي كذا
ايش اسوي عشان اغير نفسي