الزواج سنة الأنبياء
وانا أعرف أنه هذه قناعتك الشخصية
ولكن حبيبتي ,.. إذا قدر الله لك وطرق بابك إنسان صالح فأقبلي به
فإن تبعلك لزوجك عبادة .. حتى اللقمة التي تصنعينها عبادة وتربيتك لأطفالك عبادة
أرأيت .. إن العبادة لا تنحصر فقط في قيام الليل

أعانك الله

الزواج مو كل شي بدنيا بس الواحد يريد يتزوج لفطرته الي خلقها الله فيها


وانا احييك على تفكيرك والله يقويك على طاعته

شيخة

رحت أبي أنام ولقيتني أفكر فيج ورجعت شغلت جهاز الكمبيوتر عشان أكتب لج

كلامج صح مليون بالميه لما قلتي أنا أقوم أتصدق عشان الصدقة تظلني يوم القيامة والله يطفئ غضبه علي

وكلامج بعد صح مليون بالميه لما قلتي اقوم الليل بس مو للزوج..اقوم علشان ابغى الجنة ورضى الله عني وبس .. ما شاء الله عليج وربنا يثبتج

ولكن ما يمنع إنج تدعين وتلحين إن ربنا يرزقج الزوج الصالح .. مع اليقين بالإجابه.. يعني ما تقولين أنا أدعي ولو ماصار تراه رحمه من ربي .. هل اليقين التام موجود في هذي الحاله؟

اليقين إنج تدعين وأنتي متأكده إن ربنا ما راح يردج وراح يعطيج اللي تبينه وبيجعله خير لج

وبعد ما تدعين وتلحين في الدعاء مع عدم اليأس أبداً إذا صار لا قدر الله إن ربنا ما أعطاج اللي طلبتيه وتأكدتي إن اللي طلبتيه ما راح يجيج وقتها يكون الرضا والتفكير إن الشيئ اللي ما جاج ما كان مكتوب لج أصلاً وإن عدم حصوله رحمه من رب العالمين وعسى الله يرد بالدعاء سوء قضاء أو يدخره للآخره.. وحتى في هذي الحاله ما تقدرين تجزمين إنج ما راح تلقين طلبج لأن الأمور الغيبيه حنا ما ندري عنها .. لكن الرضا يكون على اللي عرفناه واستوعبناه وبالقضاء والقدر والرضا هو البلسم الشافي

الزواج مب بس فطره وبس لا.. الزواج عباده من أقدس العبادات خاصة ونيتج هي إنشاء أسره صالحه وإعانة زوج على طاعة الله وتربية أبناء على الدين والخلق وتحفيظهم القرآن

ما تتمنين تكونين ممن يُلبس تاج من نور في الجنه .. هذا جزاء اللي تعين عيالها على حفظ القرآن

الرضا اللي فيج ما شاء الله مره حلو.. لكن فكري في الزواج كعباده وادعي الله بقلب يكون لج نصيب في هالعباده مع زوج تقي نقي صالح حنون وقلبه عليج . والله أرحم بنا من والدينا.. ما راح يستجيب لنص دعائج ويمنع عنج النصف الباقي

ما راح يعطيج زوج لكن مب تقي أو نقي .. سبحانه الرزاق قال أنا عند حسن ظن عبدي بي ما أحسن عبدي ظنه بي

إنتي مب غلط ولكن ادعي الله بيقين واستماته مب لأن فقط لأن الزوج شريك في رحلة الحياة ولكن لأن هو تذكره إضافيه للدخول للجنه وحنا محتاجين نجمع تذاكر قد ما نقدر

وإذا ما صار لنا نصيب راح نرضا بس المهم ما نكون قصرنا وترى دعاءنا يسعد ربنا وفي الأخير الخيرة فيما يختاره الله لنا

اسمحي لي طولت عليج كثير .. بس والله تراه من خوفي عليج وحبي لج في الله والله احب لج الخير اللي أحبه لنفسي

الله يوفقنا ويوفقج ويرضى علينا جميع

أنا أقول زين الوحده تكون بين وبين يعنــــــــــــــــــــــــــــــــــي
ماتصير حياتها اكتئاب علشانها ماتزوجت ...وتتعلق بمسئلة الزواج بزياده
ولاتكون كذا يعني زاهده في الزواج بالأصح ماتبي تتزوج..


وانا اللي فهمته منك انك ماترفضين الزواج لكنك ماتفكرين فيه ... صح أو لا؟؟؟

ماشالله تبارك الله عليكى انتى فعلا مثاليه وهذه منى لكى:26: :26: :) والله يوفقك ويسعدك باذن الله تعالى.