كيفكم عزيزاتي مع البرد اكيد معلنين حالة الطوارئ ودخلتوا في مرحلة السبات الشتوي :30:
الله يقضي الشتاء على خير بأقل عدد من الرشح والأنفلونزا وخاصه حبايبنا الصغار:04:
انا عندي موضوع يقرقع بداخلي من اول يوم دخلت فيه الى عالم الغربة هذا العالم اللي اضرب له سلام لأنه خلاني اعرف قيمة كل شي حولي
المهم مابي اطول حبيباتي
بتكلم بدون تكلف واسلوب بديع وسجع :p والزي منه
دائما يتردد على مسامعي من بعض الأخوات وخاصه سواء في المنتدى او في العالم الخارجي
انتم ليش احزاب :D وماتحبون احد جديد
المشكله لو تسألينها عن معنى الحزب مو عارفه المعنى الصحيح له ومتى يطلق
او مافيه احد استقبلني ولا عزمني ولاعبرني
لأن المبادرة لازم تجي من الجديده بالأول لأن هم مكتفيين ببعض ومو بحاجه انهم يتعرفون على احد جديد
او انا سويت وسويت لفلانه لكن هي ماقدرت وطلعت قليلة خاتمه :angry2: وماقدرت اللي سويته لها
صايرين كأنهم في مرحلة استعداد لجلسة محكمه كل وحده تقيد اللي سوته لجارتها للدفاع عن النفس
او او او او
اشياء كثيره لو بنتكلم علنها طال الكلام
حتى كان فيه موضوع يتناقشون فيه بالمنتدى من سنة تقريبا لكن حتى الساعه هذي مانسيته كانت اخت تتشكى من وحده من صديقاتها سوت لها موقف وكانت على كلامها انها معاملتها اكثر من الأخت ولكن صديقتها ماقدرت العشره اللي بينهم المهم قريت تقريبا فوق 50 رد كل وحده تقوول انا مثلك طيبه ومافيه زيي وسويت لصديقتي او جارتي لكن قابلتني بالنكران
ياعجبي :32:طلعنا في مجتمع ملائكي
كل وحده تقول الزين عندي والشين حواليني
بس يابنات من جد جد
ياليت نغير بأنفسنا ونجعلها دعوة للتسامح ونترك التفكير المعشش في اذهاننا
وينطبق علينا المثل تحسبهم جميعا وقلوبهم شتى يشوفوننا الأجانب متماسكين ولكن ،،،،،،،،،
امنيتي ندخل تحت مسمى اننا مسلمين وليس تحت مسميات قبليه او عقائديه او منطقيه او دول شقيقه
اتمنــــــــــــــــــــــــى
نبتديها من صفحات المنتدى وننقلها لمحيطنا الخارجي
والحساسيه الزايده نحطها في شنطه ونشحنها مع اول طيارة لبلدنا او نرميها في البحر
حتى الحياة تمشي ولازم نفوت لبعض ونلتمس العذر ونعطي للي امامنا 99 عذر واذا مالقينا مايعذر له نقول العيب فينا
لكن اكيد مو كل مره نطلع انفسنا غلطانين :30:
>>>>ان كيدهن عظيم:32:
وشاكره لكم واسفه اذا كنت طولت عليكم او كلامي زعل احد
كلامك سليم 100في100
تقبلي مروري
دمتي بود