هذا هو الواقع مع الأسف مو بس الطيبه مع أهل الزوج حتى مع أهلك وحتى مع زوجك
وحتى مع صاحباتك بهالوقت الطيب ما يحترم ولا يقدر إلا إلا ماندر وقليل جدا يثمر فيهم المعروف
ألي تبي تعارضني بهالشي براحتها لكن هذاااا الواقع إلي الكثير يحاول ما يعترف فيه !!

أهل زوجك ما جبروك يا ماما و لا ضربوك على يدك و شدوك من شعرك وقالو أطبخي لنا
و كشخينا و سلفينا فساتينك و أكسسواراتك هالشي عملتي فيه برضا من نفسك و تعاملتي
بأصلك و تربيتك و أخلاقك ! جربتي هالمعامله الرائعه معهم طيب وش أستفدتي ؟!!!
ولا شي زاد أحتقارهم وعنجهيتهم لك و قل أحترامهم لك لأن هالعقليات ذي فهمت كل هالتصرفات
الرائعه منك أنه ضعف و أنك تتمنين رضاهم و أنك تتوددين لهم هم كذا يفهمونها لذلك
تمادو معك !!
لكن لو جربتي ما تعطين أكثر مما تاخذين و لو جربتي ما تبالغين بالطيب و لو جربتي
ما تعاتبينهم على أفعالهم و تعاملتي معهم بلا ضرر ولا ضرار كان تغير حالك للأفضل !

بيجي الأن من الأخوات و تقول لا عامليهم بالطيب و بتقول يا منجو المفروض تنصحينها
تحتسب الأجر و المفروض تسعون لطلب الأجر عن نفسي الأجر ألي وراه ذل و أهانه
و مسح كرامه لي ما أبيه و أذا على الأجر أقدر أكسب الأجر بإذن الله بأمور كثيره ومختلفه
بحياتي ما وقف الأجرعلى أنه لازم أرضى بالإهانه لنفسي و أخضع لناس ماتقدرني وتهيني
و تتفنن بالأهانه و التحقير !
عبارة عامل الناس مثل ما تحب أنهم يعاملونك عن نفسي مو فقاموسي أنا أعامل الناس
مثل ماتعاملني فقط و هذي وجهة نظري و مرتاحه بتطبيقها بحياتي
ألي ما تعجبه لا يطبقها أبد و يستمر على حاااااله ...

لاتندمين على طيبتك ياخيتي ابد ولاتغيرين طبعك مهما واجهتي من الظروف


انا عانيت اكثر منك ولكن ثبت على مبدأي الطيب والتعامل بالتقدير والاحترام


صدقيني كل هذا ماراح يضيع عند رب العباد وراح تجنين ثماره بحياتك وذريتك


الله سبحانه وتعالى يقول إنما يوفى الصابرون اجرهم بغير حساب


حنا نبي الأجر من ربنا ولا الناس مانقول إلا الله يسامحهم


نصيحتي من خبرة سنين ياخيتي اتكلي على ربك


وكثري إستغفار وخلي الظالم جزاه عند ربه

خليكي رسميه معاهم وبعيده عنهم وحاولي ماتزوريهم الا كل فين وفين الطيبه ماتنفع

متى بتفهمون ان الحمولة ارض صبخه ما تنفع نزرع فيها ونستنى الحصاد

كل انسان يقدر نفسه الناس يقدرونه
الطيبة الزايدة عن الحد تعرض الشخص للإهانة وقلة التقدير
وهذا عن تجربة شخصية
ارحمي نفسك الناس يرحمونك
قدريها يقدرونك
احترميها يحترمونك
لا تحملينها فوق طاقتها ما يحملونك فوق طاقتك
لا تضغطين على نفسك لكل من هب ودب فقط لمن يستحق بالفعل كالوالدين