خلينا نكونين منصفين و واقعين
فيه ناس يصير اهل الزوج متسلطين وفيه ناس تصير الزوجه متسلطه على زوجها و اهله
فيه حريم اذا تزوجت خلاص تبغى الزوج ملك لها كانه اشترت بصك مال اهله دخل لا تكلمهم ولا تروح لهم ولا تعطيهم ولا توديهم ولا ولا تبغاه يقطعهم وهي ما شاء الله متواصله مع اهلها بكل طرق الممكنه
وفيه عمات سيئات و هم وبناتهم على الزوجه
بس الزوج الذكي ما يتدخل بين امه و زوجته
اذا الزوج راح لي امه و خواته حتى لو كان بينه وبين زوجته مشاكل او اختلاف ما يعلم لانه الام ما ترضى على ولدها
واذا هي راحت لعمتها تعاملها بحسن نية وتمشي الأشياء البسيطه
وترا فيه رجال يسوي قدام اهله انه غلبان لانه طبع عنده يكره يمدح زوجته قدام اهله يصير كانه خروف
بصراحه الوحده اذا زوجها ايش ما يعطي امه ما تدخل وتقول ليش تعطيها حتى لو راتبه قليل هذا امه الي تعبت عليه وبكره ربي يبارك في عيالكم
وكمان العمه الي تحرض ولدها على زوجته تخاف الله لانه عندها بنات اذا ظلمت زوجة ولدها بتدور الدنيا على بناتها
اما تدخل في عيال الاخوان و الاخوات عادي اذا مافيه ضرر
انا اسوي جلسة بديكير ومناكير لبنت اخوي و بنت اختي معاي واهلهم ما اخذت اذنهم مافيها شي
ومره شفت طرف من شعر ولد اخوي مو متساوي عدلته
عادي ليش الحرب اذا مافيه ضرر ومره عجبني لبس و اشتريت لهم
واحد من اخواني متشدد في المشروبات الغازية نادر جدا ما يخليهم يشربون لم يجون عندي اعطيه مو وجبه العلبه اقسمها بين اثنين عشان ما يكثرون ولا احرمهم
ليش الحرب لازم اخذ الامور بهدوء اكثر شي يهدي الامور الطناش وعدم تعليق اذا على أمور عاديه

اشكركم حبيباتي على ردوكم الي اسعدتني من جدددد الله يسعدكم 🌹🌹🌹🌹
اختي LHOoo


كلامك كله صحيح .. مو دائما اهل الزوج ظالمين ولا دائما تكون زوجة الولد على حق ..
فعلا


انا تكلمت عن تجربتي لاني فعلا دخلت عليهم وكنت احبهم بس تفاجئت من حركاتهم الغريبة الناتجه من مرض نفسي ونقص


وحبيت اذكر للي حالها مثل حالي


وعندي تعليق بالنسبه الى انك تعدلين طرف الشعر او تعطينهم بيبسي
مو لازم تكون في حرب
ولكن مهم تاخذين راي امهم ... وابوهم
واذا ما كانو راضين .. او امهم تجي تكلمك بأسلوب لطيف عن انك تمتنعين من انك تعطينهم ببسي مثلا او حلويات
مافي داعي للمشاكل
لا انتي تسوين لها مشاكل ولا هي تسوي لك مشاكل يكون في تفاهم بين الطرفين


لكن الي اقصده
ان انا مثلا اخو زوجي .. كان يشتري لبنتي كان عمرها سنه ونص تقريبا يشتري لها حلاوه بشراهه كيسسسس فيه خيرات من الحلويات


وكانت تمرض وهو يعطيها ايسكريم .. وبالليل اعاني معاها من الكحه واحتقان الحلق
سبق وتكلمت وهو يسمع ويطنش ويعاند
مايهمه كلامي ولا يتحمل مسؤولية اي شيء يصير وزوجي في النهاية يحاسبني ولا يتقبل كلام عن اخوه !!!!!


واسنانها تسوست ..


واخت زوجي تعطي عيالي حلاوه وببسي بشكل يومي
احيانا يصير معاهم امساك والطبيب يقول امنعوهم من هذه الامور
ولما جيتها باسلوب حلو .. ماتقبلت


احيانا هذه الامور تسبب مشاكل بينا وبين ازواجنا والاولاد يتضررون


انتي مهم تاخذين راي اهلها .. يمكن عطوهم حلويات او شيء قبل مايجيبونهم عندك

وبالنسبه لبعض الزوجات اذا تزوجت تبغاه يصير ملكها
حتى هذا مرض .. وانانيه
واهله ماله بد منهم

والله الحل البعد عن اهل الزوج
انتي ترتاحي والمشاكل تقل وبينسون

سويت كل الطرق المريض مريض مايتعدل ..
قطعتهم نهائيا ارتحت راحة عظيمه والله
اوقات مو كل الحلول تنفع مع البعض اوقات تحتاجي تقطعي الشي من جذوره