ليش اولادي بالبيت اسود وفي المدرسه فأران

السلام عليكم خواتي

اريد اسئلكم ... ابني 9 سنوات وبنتي 5 سنوات
اليوم صار موقف والله نزلت دمعتي اول ما رجعت للبيت :(

دخلنه للمدرسة انا وبنتي وشافت وحده بنفس الصف توزع كارتات (دعوه لعيد ميلادها) ومجتمعين البنات على البنت صاحبه العيد ميلاد عشان ياخذون كارت بنتي دخلت معاهم عالخط تشوف الي يصير فالكل يقول انا اريد كارت ويمد ايده بنتي واقفه بس تشوف ماتسوي ولا شي فصاحبه العيد ميلاد توترت لان الكل يريد كارت دعوه فصاحت باعلى صوتها انتظرووووو راح اعطي للكل فكل البنات الي واقفين صرخوا بوجه بنتي انتظريييييي راح تعطيكي كاارت انا استغربت بنتي واقفه بس تشوف ولا حتى مدت ايدها ولا كانت تتكلم بصراحه منظر :( مو حلو لما تشوفين ابنج يصارخون عليه بهالطريقه وهو مامسوي شي ... انا كنت واقفه بصراحه ماحبيت اتدخل واقول لهم لاتصارخون عليها اريدها هي تسوي شي بس هي ماسوت شي وسكتت وتركتهم واجت وقفت يمي والدمعه بعينها انا شلتها وقلت لها مش نوره صديقتك قالت اي قلت لها خلاص روحي جنبها واتركيهم ولا تخليهم يصارخون عليك مره ثانيه اووكي؟؟ هي سكتت وحززززززينــة كلش وراحت وقفت يم نوره الي هي كانت توها دخلت المدرسة

طبعا البنات صغار بعمر 5 الى 6 سنوات بس انا استغربت بنتي القويه الي تصارخ بالبيت و الله والله والله ماقدر لها وعلى لسانها بالبيت استغربت بالمدرسة فااااره ومايطلع صوتها ولا تعرف شلون تدافع على نفسها و انتو كأمهات اكيد حاسين بموقفي ماعرف شلون اتصرف و اخليها يكون عدها شخصيه اقوى مو شرط تصرخ بس على الاقل تقول لهم مثلا اوكي انا ماسويه شي انا بس اشوف وبس ليش تصارخون وابني نفس الحاله بالظبط ... بالبيت لسانهم هالطول والصراخ علي بس بالمدرسة ولا شيء ... اذا اكو كتاب تنصحوني بي اقرءه لتقويه شخصيه الطفل او شي ثاني الله يخليكم.

وهالشيء ياثر على نفسيتها والله الدمعه كانت بعينها وهي مامسويه شي بس تشوف وبس



وانا اقول ليش يرجعون للبيت اعصاب نار اثاريهم راجعين من المدرسة انواع الصراخ والتعدي عليهم فيريحون اعصابهم علي انا