ليش بعض الحريم إتكاليات

السلام عليكم


بنات في موضوع له يومين بصراحه غابني


الموضوع ما يخصني بس لاحظته منتشر فقلت اشوف وش رايكم فيه


لاحظت بعض الحريم او البنات متكله علي الزوج او الاخ او الاب حتي في اتفه امورها
مثال
كنت جالسه مع حرمه كبيره وعندها احفاد
ونسولف ببطاقة الاحوال وانها اصبحت ضروره حتميه لكل امراءه لتخليص امورها بسرعه وما تحتاج مثلا للمعرف في البنوك وروح وتعال
اتفاجأ انها قالت ماالي عازه فيها بخلي حفيدي ابو ٨سنين يعرف عني 😐
قلت يلا حرمه كبيره ومالها بذي الامور رغم انها في الخمسينات يعني مو عجوز
طيب كانت معانا في الجلسه بنت في منتصف العشرينات ورايها مؤيد لها تماااااما 😳
ومثال ثاني تكون الشغله مره سهله وما تحتاج عبقريه لعملها تقول لا بخلي زوجي او ابو او او يسويها لي


طيب ليه !!!!


انتي لهذي الدرجه من الغباء او الاتكاليه او مهما كان اسمها
ليه ماعندنا ثقافة انا مستقله باموري ؟
اعتمد علي نفسي واصرف اموري واذا استعصى علي شي طلبت المشوره او العون
وفي النهايه في امور برجع فيها لزوجي او اهلي

بس مو كل شكة دبوس رحت اجرى ابحث عن حلول
ما ادري ملاحظين هالشي حولكم او لا
انتظر مشاركاتكم💞