ليش بعض الناس يقطون كلام جارح؟

بنات أنا أعاني من بعض الناس بعضهم يدري إن هالشي إلي بيقوله لك يضايقك و مع ذالك يقوله لك ليش؟؟؟
مثلا يوم كنت بالثانوي كان معاي بنت من الشلة وتوني داخلة مع باب المدرسة قبل انزل عباتي فجأءة قالت لي كلام بصوت عالي يجرح و هالكلام مو فيني ؟؟؟؟؟؟ و احرجتني و قالت هالكلام بصوت عالي مو بس الشلة اللي سمعته اتوقع كل المدرسة سمعته لأن بيومها مادرس بنات كثير لأن الأمتحانات ع الابواب أنا مو حاقدة لكن كل ماتذكرت هالكلام أحس قلبي يبكي قبل عيوني أبي مبرر للشي اللي قالته و لو كان فيني يمكن ما انجرح بس قالت شي مو فيني !!!!!
ليش تقوله خصوصا اني صديقاتها مفروض تصير لي ستر و غطى و حتى لو فيني عيوب تسترها

و الغريب العجيب اني اذا زعلت من حركاتها المستفزة تقول للبنات اني زعول ؟؟؟؟؟؟ يعني المطلوب اهين كرامتي عشان ما اصير زعول ؟؟؟؟؟ او تشوهين سمعتي و تقولين زعول و عصبية ؟؟؟؟؟؟

و غيره من الناس مو بس هي مثلا بقولكم سالفة وحدة و هذي ابيكم تحكمون عليها وش السبب اللي يخليها تقول هالكلام عني ؟ حنا خمس بنات تفرقنا بعد الثانوي و قبل اسبوع جمعتنا وحدة من الشلة وحطت لنا قروب بالواتس و صرنا نتكلم واتس وانا مادخل كثيير للواتس لاني ماحب اسولف بالجوال بكل صراحة افضل وجه لوجه المهم اغلب شي اغيب عن سوالفهم و مرة جيت و شفتهم يسولفون و جيت بسولف معهم الا اشوف وحدة منهم نرفض اسمها دلال تقول وين البنات قالت لها الثانية نفرض اسمها عبير قالت مادري يمكن نايمين قالت دلال و فلانة تقصدني قالت يمكن نايمة قامت دلال و سخرت مني بكلام ماقدر اقوله هنا لأني اخاف احد يعرفني كنت بدخل اسولف معهم بس بعد هالكلام بكيت ولا دخلت عليهم طيب ليش ؟؟؟؟؟ انا بحياتي ما سبيت ولا بنت لا من وراها ولا قدامها ؟ و دلال بالذات عمر ها ما جرحتني بكلمة وش غيرها ؟؟؟؟ ليش تجرحني بهالكلمة ؟؟؟؟؟ لا تقولون غيرانة شلون تغار وحنا صار لنا سنين ماشفنا بعض ولا تعرف عني شي الا اني ماتزوجت ولا اعرف عنها شي الا انها متزوجة و بس
يعني المطلوب مني اقابلكم بالواتس ليل نهار و اسولف معكم واضحكم و اسلي خواطركم و الا بتسبوني ؟؟؟؟؟؟

هالشي يأأثر بنفسيتي مرة خصوصا إني ما ألقى سبب يخليهم يسبوني البنت اللي بالواتس فكرت ارسلها ع الخاص و اقول ليش قلتي هالكلام عني بس خفت تروح بعد تشوه سمعتي عند البنات و تقول زعول و حساسة و اكيد بتجيب لها عذر و تقول ما اقصد امزح وانت ماينمزح معك هالكلام اللي قالته كان اهانة مو مزح و بصراحة من يوم الكلام اللي قالته مادقت ولا سولفت ولا سألت عني قبل تسأل عني اذا ماحضرت بالواتس شكلها سبتني و زعلت من نفسها -و انا بعد ما سألت عنها و لا فكرت اسال عقب اللي قالته مع اني قبل اسال عنها

ترى انا عادي عندي لو اخسر اي بنت ما تهمني اهم شي كرامتي و بنفس الوقت مابي احد يشوه سمعتي و يقول هذي مانتقرب هذي عصبية هذي حساسة عشان هالشي تركتها ولا رديت عليها ولا ابي ارد
بس ابي سبب منطقي يخلي بعض الناس يجرح يعني واضح اللي ما يقصد و واضح اللي يدري ان الكلام يجرح و يضايق و يقوله ابي اعرف لييييييييش؟؟؟؟؟؟؟ يجرحون ؟ وشلون اتعامل مع هالناس المستفزين اللي يقطون كلام يجرح بدون سبب؟؟؟؟؟؟؟؟
ابي طريقة ناجحة و انا انسانة ماحب المشاكل احب الفرح و الوناسة بس هالناس يكدرون خاطري