السلام عليكم ورحمة الله وبركاته
مساكم الله بالخير ، أنا عضوة جديدة ، كنت دائماً اقرأ مواضيعكم
واستفدت منكم كثير ، جزاكم الله خير .. 🌷
واليوم قررت أني أسجل واكتب حالتي يمكن تساعدوني
لأَنِّي تعبت صراحة 😢
لي سنة وشهر متزوجة ولم يسبق لي الحمل ..💔
مع إني كنت أبغى احمل من أول يوم خخخخ
بس قدر الله وماشاء فعل ..
أنا من كثر الأشياء اللي تأثر في الحمل عقلي اختبص
وصرت مو عارفة اركز على إِيش ، وما غير آخذ حبوب
تقل عجيز 😥
عندي خمول في الغدة الدرقية وأخذت الاثروكس
والحمدلله بدأت اتحسن ..
وعندي فقر دم ٨ ..💔
أعطتني الدكتورة حبوب حديد .. وبعد شهر حللت للهيموجلوبين والغدة
طلعت الغدة خابصة : ( والهيموجلوبين ١٠ الحمدلله بس برضو يعتبر قليل..
يوم بحثت طلع حبوب الحديد تأثر على حبوب الغدة حسبي الله ولا كنت ادري 😭😭
من يومها تركت حبوب الحديد.. طيب
عندي كمان ضعف بسيط في التبويض قالت تعطيني منشط بس بعد ماتزبط الغدة..
والدورة أبدا أبدا مو منتظمة تجي بعد ٤٠-٥٠ يوم تخيلوا 💔
الشهر اللي فات أعطتني دوفاستون ، وجاتني بعد ما خلصته ب٨ يوم..
وهالشهر كمان بس الآن لي ١٤ يوم من خلصته ولا جات الدورة ..
حسّيت بآلامها وقلت أكيد بتجي واليوم الثاني اختفى الالم!!
بعد كم يوم رجعت الالم قوية وقلت بتجي أكيد ، اليوم الثاني اختفت!!!!
الآن ما احس سوى بمغص خفيف وصدري يألمني ، سويت تحليل منزلي كذا مرة سلبي😥
ما ادري إِيش فيني ؟ قلت بصبر يومين ثلاثة واسوي تحليل دم للحمل والله يستر
لأنه لو ماكان حمل ليش دورتي متأخرة؟؟؟ 😟
مع العلم هرمون الحليب اعلى شيء في الطبيعي ، وماعندي تكيسات أو التهابات الحمدلله...
وش تتوقعون؟ تعبت من التحاليل و روحة المستشفى 😔
يلزم عليك تسجيل الدخول أولًا لكتابة تعليق.
حلمي أصير أم
•
نسيت أضيف انه زوجي حلل والحمدلله كل شيء سليم..
الصفحة الأخيرة