ليش تحذرون البنات من اهالي ازواجهن؟؟

السلام عليكم ورحمة الله وبركاته
شفت موضوع..نصيحه تتمنى الوحده انها سمعتها قبل ما تزوجت..
وشفت..نصيحه وحده متكررررره....لا تعطين لحماتك وجه لا تعطين لأهل زوجك وجه والخ الخ ولا ولا ولا
حتى جتني رغبه في البكاء والقهر
اخوي العود..بيتزوج...
وخطيبته....نحبها من اصل قلوبنا.....اذا رسلتلي مسج عالجوال..اطير من الفرحه واخبر امي وابوي وطبعا الخاطب
لدرجة انو مرات...اشوف انها تستاهل واحد احسن من اخوي ....مع انو اخوي مسيكين..طيب لأبعد الحدود..وطول وقته يمضيه في البيت مع اهلي..ويساعدني ويحل مشاكلي ...حتى الشوفه الشرعيه ما شافها...طلب صورتها وهي استحت ورفضت....زعل شوي..بس قال..خلوها على راحتها...وما طلب يشوفها ولا شي..قال..انا راضي فيها مهما كان شكلها يكفي..انها بنت فلانه وفلان....
شفتها..مرتين...وكانت عسل..وماشاء الله..قمة في الانوثه والجمال...جمالها يخلي الواحد :o:32:....طول وجسم وبياض وشقار خخخخخخخ..ماشاء الله
المضحك..انو اختارها...قبل لا يعرف بمواصفاتها......شاف..ابوها ولأنه يعرف عنه ...وسأل اذا عنده بنات مؤهله للزواج...ووبس..

احب عروسة اخوي..من أصل أصل قلبي.....واحسب الايام لحتى يجي اليوم اللي تجي فيه عندنا....بس..نفكر جديا..نخلي اخوي يطلع من البيت عشان هي ما تتضايق وتاخذ راحتها....بس المشكله ابوي ما يقدر يستغني عنه..
وهو مو راضي يطلع ويخلينا...
المهم....
ليه..تكرهون البنات في اهالي ازواجهن؟؟؟
والله اني خايفه الا مرعوبه لا تشوف زوجة اخوي وتقرأ نصايحكن..وتكرهنا وتخاف منا:(
والله خايفه:icon33::angry: