والله اسلوووووووووووبك رهيييييب بمعنى الكلمه وهو اللي شدني في كل هالموضوع

عاجزه عن وصف اسلوبك الرائع ... الله يحفظك ... تعبيرك فوق سنك ما شاء الله

معليش يا الاء الدنيا

انا غلطانه

روحي قولي لبابا والا لماما ينزلون البيبي

علشان ما شاورتك الماما انها بتجيب بيبي

لازم حتى بوقت النوم تشاروك

والله كلامك هذا ماحد بيضحك عليه الا انتي

اللي يسمعك يقول امك عجوز قاعده

اكبر اخوانك عمره تحت العشرين

عدددكم ما يتجاوز الخمسه

زكلها كم سنه وتتوكلين على الله

وعموما

الواحد ما يدري وين الخير فيه

يمك ما ينفع امك الا هالبيبي

وما حد يناظرهاالا هو

واذا تزوجتي بكره

عرفتي قيمه الطفل والامومه

وعرفتي ان امك بنعمه تتمناها الف وحده


وقولي الحمد لله وادعي ربك ان يتمم حملك امك على خير

وانا لما قلت عقليه هاليومين

لاني لما كنت بسنك وانا ماني كبيره اوبعيده عنك كثير

امي حملت باخوي وما قلنا شي الحمد لله فرحنا وطرنا من الفرح

وصرنا نجهيز لببيبي

وكأن اول مره يجينا مولود

ولا قلت ليش حملتي وما بغاك تحملين

وازودك من الشعر بيت

بعد خمس سنوات ن حمل امي

انخطبت

وكانت امي حامل باختي الصغيره اخر العنقود

يعني يوم زواجي كانت امي حامل

وما قلتها ليش تحملين

بالعكس فرحنا كثير

واختي الان هي بنتي من الرضاعه

شفتي

كيف كان التفكير وشلون صار

وعددنا كلنا على بعضنا سته اخوان

شفتي كيف!!!!!!!!!

الاء ..


تخيلي معي ...

انت قاعدة على النت تطقطقين شوي ..... وتاخذين دورة بالكرسي الدوار شوي ( صار الصحن الدوار )
المهم وانت على هالحالة ... وفي اسعد لحظات حياتك وفي قمة الانبساط وراحة البال
وهنا .. تدخل امك عليك وهي تنتفظ وعيونها كلها حياء وحيرة <<<< لا يفوتك هالتعبير
وتقول لك وشفايفها ترجف ... : الاء .. عندي امر ابي رأيك فيه ... وترى موافقتك مهمة واللي تبينه يصير ...
وانت مستغربة من حالتها ... وفي نفسك فرحانة ( اكيد ان فيه فارس جاء بحصانه الابيض وخطبني وامي تبي تاخذ رأيي .... موافقة .. موافقة ..موافقة ) <<< هالكلام يدور بعقلك
وبعد تردد وطول انتظار منك بفارغ الصبر ... تنطق امك
: الاء حبيبتي ... فكرنا انا وابوك .. بان العمر يجري .. وانت خابرة وانا امتس الوحدة فرصها وهي صغيرة غير اذا كبرت ... ( وانت عيونك تلمع .. ترزن..ترزن )
عاد فكرنا انا وابوك اننا ... اننا .. نجيب نونو صغير وبين قوسين دبلة تسبد
وهنا ... تحسين انك طحتي من جبل ... والا انكم مسافرين بالطيارة وامك دفتك من شباكها
...... نونو ..... نونو ... يعني طفل مولود صغير يقول واء واء ( لا يا شيخة يعني وش بيقول .. مياو ..مياو )
بعد ما ملكت كل شيء ابيه ... امي وابوي .. وبيت احط فيه رجل على رجل .. ونت
يجي نونو ... معقولة ... شريك جديد ... وأنا على بالي معرس
امك تقول : يعني الزبدة ...
انت : طبعا .... لااااااااااااااااا .... اصلا وشلون تسول لكم انفسكم هالشيء
امك : وش هالشيء ... والله لو اننا بنجيب قرد والا بنبيع واحد منكم ... هذا طفل رزق من الله
الاء : بس خلاص لا ... بدون نقاش .... والمرة الثانية انتي وابوي اذا بغيتوا تفكرون بشيء ... تعالوا فكروا هنا قدامي مو من وراي ...
امك المسكينة ... تجر اذيال الخيبة .. وتطلع من الغرفة .. وابوك برى ما فيه صبر لقطها من طلعت من الباب ...
ابوك : هاه وش قالت .. وش صار .. بشري ..
امك : طبعا ... قالت لا
ابوك : يووووووووووووووه ... وبعدين .. الى متى ... الى متى هذا الظلم ..
امك : اصصص ... لا تسمعك ... وش نسوي هذا نصيبنا ...
ابوك : وش نصيبنا ... هذا من حقنا ... نجيب على كيفنا ما دمنا نربيهم زين
ونهتم بهم ...
امك : بس انت عارف وجهة نظرها ... خلك في مكانها ..
ابوك : .. والله قهر ... حقنا ... وناخذ راي اولادنا فيه ...
امك : المشكلة .. ان اختها الصغيرة تقول ابي اخت قريبة من عمري
ابوك : وبس هذي تبي وذي ماتبي ... وحنا ... الى متى هذا الذل والهوان ( قلب مسلسل تاريخي )
وتدخل الاء على الخط ....
الاء : كني اسمع كلام كله تذمر وبوادر تمرد ...
ابوك : اسمعي يا الاء ... انا ابي عيال ... وقررت انا وامك انها تحمل
الاء : بس انا قلت ... ما ارضى
ابوك : ترضين والا ما ترضين ... هذا امر يخصنا بس ... وانت مالك رأي
الاء : وش هالكلام .. من متى ..
ابوك : من الان .... لازم تعرفين حدودك وتوقفين عندها ... قال ما توافق ..قال
الاء : لاااااااااااا الامر ما ينسكت عليه ... وحنا جايبينا كمالة عدد ... تمشون الامور على هواكم وارائنا مالها اهمية ..
ابوك : بس ... ما بي كلام زيادة ... ومن بكرة ... تنزلين من الصبح تسوين الفطور ..
وتصحين اخوانك لمدارسهم وتلبسينهم ...
واول ما ترجعين من المدرسة ... وتتغدين ... تغسلين المواعين وتنظفين المطبخ والبيت وتحطين راسك في كتبك .. تذاكرين بعدين تنامين
الاء : ايش ... ايش ... والشغالة وش وظيفتها ...
ابوك : خلاص ما فيه شغالات .. من بكرة بسفرها ..
الاء : بس انا مو فاضية اذا ذاكرت ابي اقعد على النت ...
ابوك :ما فيه نت ... الكمبيوتر ببيعه من بكرة ..
الاء : بس ... على الاقل خله اقعد عليه خميس وجمعة ...
ابوك : يلة بس ... ولا يوم انت ماراح تفضين من اليوم ورايح ...
الا : ليه كل شي علي .. امي موجودة
ابوك : لا ... امك من بكرة ما تلمس شيء ... انت ناسية اننا نخطط تحمل ... بعدين يبيلها راحة قبل وبعد الحمل .... وانت اللي بتنفسينها ...
الاء : طيب ممكن يوم الجمعة يكون اجازة ..
ابوك : لأ ..
الاء : بس ساعتين ... ودي ادخل النت ... ما ابي انقطع عن بنات حواء
ابوك : لأ...لأ
تركضين لغرفتك وانت غرقانة بدموعك ... وترمين نفسك على السرير وتبكين شوي .. بعدين ... يجي في بالك فكرة ...
وتروحين للنت .. وتفتحين على المنتدى .. وتنزلين موضوع ... ( انا في مشكلة انقذوني )
وتفضفضين لبنات حواء عن معاناتك ... والمشكلة العويصة اللي ورطتي نفسك بها
همن ادخل انا واشوف الموضوع ... وانزل رد ...
تحفة : الا الله يهديك بس .. وش لك بالهم والنكد ... من البداية ليه ما شفتي الموضوع من جانبه الحسن ... انت بكرة والا بعده بتعرسين وتروحين لرجلك .. ويرزقك الله عيال ...
وهنا بتستفيدين من وجود اخت لك توها في بداية شبابه عند اهلك ...
مو عشان ترعى امك وابوك وتسليهم بس ...
عشان اذا صنفت في رأسك تسافرين مع زوجك بدون اطفال .. تسافرين وتخلين اولادك عندها ترعاهم ..



هاه وش رأيك ....

وخلاص .... خلصت السالفة ... <<<< خربت الاخلاق وما عاد فيه اسلوب

أختي هداك الله

من البر بأمك وأبيك أن تسألي لها العافية والسلامة وأن تدعي ربك أن ييسر لها حملها
فهي المسكينه متعبة مجهدة من مسوؤليتكم وحملها وأنتِ فقط تفكرين كيف تتخلصين من المولود !!!!!

ولاتنسي ان الكثيرين محرمون من نعمة الأنجاب فأحمدي ربك على هذه النعمة
والله اسأل ان يعينها على حملها ويقومها بالسلامة ويعينها على مسوؤليتها

الآ ياحبيبتي ذكرتيني يوم اني بنت ههههههههههههههههههه << ليه عجوز ؟؟


كنت اقول لامي ترا يا انا يا الي في بطنك ترى بنتحر

واختي تقول برميك مع الدرج الين يموت

والحين اخوي الصغير نمووووووووووووت فيه بيني وبينه 21 سنه

وامي سوت ربط لانها تعبت من القيصريه

واقول لها اول ماسوت ماينفك الرباط ههههههههههههههههههههه

وسعي صدرك <<<<<< تزوجت ونست السالفه ههههههههه