rajaaa1 @rajaaa1

عضوة نشيطة

ليش تزعلون يوم البنت الصغيرة تتزوج قبل الكبيرة؟!

السلام عليكم ورحمة الله

اخواتي الحبيبات .. لاحظت ان في بنات يزعلون و يتضايقون يوم خواتهم الصغار ينخطبون قبلهم و يتاثرون ..

انا بالعكس افرح كثيراً و الله

يعني كل وحده الله بيرزقها و بيعطيها الرجل الصالح باذن الله اللي تتمناه ..و كل وحده نصيبها جاي بإذن الله .. الصغيرة قبل الكبيرة أو الكبيرة قبل الصغيرة .. رزق من الله و نصيب .. و الكل بيتزوج بإذن الله .. بس المسألة مسألة وقت لا أقل و لا أكثر ..

بالعكس اختك الصغيرة تزوجت هذي بشرى خير .. شو تفضلين اختك تتزوج و انتي تلحقينها .. ولا كلكم تنتظرون الزواج ..

المسألة تراها بسيطة جداً و سهله .. و الحين الحمدلله مجتمعاتنا واعيه ما فيها كبيرة قبل الصغيرة ..هذا رزق من الله .. و متى ما جى ولد الحلال .. الله يسهل للبنت سواء كانت صغيرة أو كبيرة ..

بالعكس استانسي و انبسطي ان اختك تزوجت و شاركيها فرحها و لا تسوين حساسيات في نفسك اصلا مالها وجود

لا تقولون انتي ما تحسين .. اختك الصغيرة ما تزوجت

بالعكس اختي اللي اصغر عني من فضل الله متزوجه و ما عندي اي مشكلة و اتمنى خواتي كلهم يتزوجون و اطمن عليها الصغار و الكبار ...

الله يرزقنا و يرزقكم الاخلاص و التوفيق :26:

يلزم عليك تسجيل الدخول أولًا لكتابة تعليق.

تسجيل دخول

جُمَانَه • 14 سنة

اي والله هذي ارزاق .. وبعدين مثلا الصغير جاي عمره اصغر منك مناسب لاختك يعني جد حرام اللي تسويه بعض البنات
الله يوفق خواتي يارب واخواتنا اجمعين

آذكــآر • 14 سنة

المساله مو زعل لاكن تحز في نفس البنت الكبيــره..
طبعا البنت الكبيره اكيد بتفرح لاكن من داخلها راح تكون شوي مجروحه
هذا غير نظره المجتمع الغبيه لها ولا اكيد فيها شئ او عيب..

وبعض البنات اهي اللي ترفض وطبعا ماراح توقف نصيب اختها برفضها بالعكس
ان جاها احد تقول عندكم اللي اصغر منــي...

يعني كل وحده وضروفها ..

اللهم صلى على نبينــآ محمد
اللهم صلى على نبينــآ محمد
اللهم صلى على نبينــآ محمد

@@@الجوووري@@@ • 14 سنة

صحيح هاذي ارزاق بس المفروض بالتسلسل الكبيره ثم الصغيره تعرفون الناس ماترحم

سمايلي فيس • 14 سنة

والله ياقلبي انا مرة ذكرت هالكلام في موضوع وحدة من الأخوات اللي كتبت موضوع طويل عريض ليش اختها الصغيرة انخطبت قبلها وقلت لها فيه إن ببساطة نصيب اختك جا ونصيبك ما بعده جا وقلت لها هذي وهي اختك من لحمك ودمك اللي انخطبت وقمتي سويتي فيها موضوع كامل ومعترضة وحازة في خاطرك أجل لو وحدة غريبة عنك كان وش سويتي؟؟ وقلت لها بعد انها خليها تنتبه لا تصيب بدون شعور اختها بحسد او بعين وتفركش عليها الزواجة بعدين وش بتستفيد؟؟ هذي اختي الله يخليها لي اكبر مني بسنتين ولما جا نصيبي قبلها فرحت لي كأنها هي اللي بتعرس وهي اللي قابلت الناس وهي اللي تكلمت معاهم حتى بأزمتي هاي اللي صارت لي هي اللي قاعدة تدعي لي ولما تدعي تقول يارب ما ابي نصيبي يجي الحين لين تنحل مشكلة أختي وترجع بيت زوجها (إللي هي أنا) وأتطمن عليها وأرتاح وبعدها لو جا نصيبي بتجهز له وانا مطمنة البال على اختي وبتحضر بكل نفس مفتوحة.. أنا عارفة ان الموضوع يحز يمكن في خاطر كثير من الاخوات الأكبر من خواتهم الصغار لكن كمان مو مبرر انهن حز في خاطرهن عشان الاصغر بتتزوج وهي لا لأن حزة الخاطر بتكون جاية على مين؟؟ على رب العالمين اللي هو قسم الأرزاق والأزواج لكل وحدة فلا تضيق نفسها على شي قسمه الله وليس لأختها يد فيه.. الله يزوج الجميع زواج موفق إن شاء الله.. مشكورة اختي الغالية على هالموضوع الجميل..

سمايلي فيس • 14 سنة

@@@الجوووري@@@ :

صحيح هاذي ارزاق بس المفروض بالتسلسل الكبيره ثم الصغيره تعرفون الناس ماترحم

صحيح هاذي ارزاق بس المفروض بالتسلسل الكبيره ثم الصغيره تعرفون الناس ماترحم

الجوري حبيبتي انتبهي ترى كلمة المفروض هاي مو حلوة بحق رب العالمين يعني الله مايعرف ان الناس ماترحم وبأنه المفروض الكبيرة قبل الصغيرة؟؟ والله لما يزوج حد قبل حد او يطلق او يجمع أو يفرق تراه عنده حكمة مايعلمها غيره سبحانه وتعالى و كل واحد و رزقه ومو معقولة أطير نصيب الصغيرة عشان الكبيرة وبعدها تمر الايام والسنين ولا يجي احد لا للصغيرة ولا للكبيرة!! اصلا دايما يقولون إذا وحدة تزوجت في العايلة فإنها بإذن الله تفتح الباب للي عندها وإذا على الناس ترى الناس ماهي براحمة أحد سواء في بيت أهلك او في بيت زوجك.. الله يزوج الجميع ان شاء خيرة الأزواج وإذا كنتي مو متزوجة الله يزوجك الزوج الصالح وإذا متزوجة الله يسخر لك ياه يارب..