ليش تعاملني جذي ؟؟ علشان الله مارزقني !!!

أدري انكم مو مجبورين تقرون لي كلمة لكن ودي افضفض
أحس اني مخنوقة ...ولا عارفه شسوي

أنا وزوجة اخوي

فرقنا يوم تزوجنا شهرين يعني

هي سابقتني بشهرين وهي حملت على طول
وانا لي الحين الدور الحمل ولا صارت والحين صكينا السنة

أجرحتني اليوم كثير أنا كل ما اروح بيت اهلي
اروووح على طوول لولد اخوي ولعب معاه
واشربه حليبه وهي كانت ترتاح

بس مره بالصدفة سمعت امي تكلمني
بالتيلفون وتصبرني وتقول كملي علاجك
واذكري ربك والله ماينسى عبده

رحت بيت اهلي وانا ما ادري انها سامعة شي

ورحت العب مع ولده ولا تجي وتاخذه مني
وتقول لالا لا ما ابي اتعبج معاي
ولدي شكله محسود

سكت ورحتى سألت امي قالت يمه
اهيا مرت بالصدفة ووسمعتني اكلمج

سكت ولا قلت شي وقعدت مع خواتي

وقت العشاء وصل ابوي واخواني وحطينا العشى

انا واهيا ما تعشينا قعدنا بالصالة

ولا تجي تلعب ولده بطريقة انها تحرني

وتقول على سبيل الغشمرة

تقدرين تجيبين مثله

أهني انا مسكت نفسي غصب

ما حبيت دموع تصب

رجعت بيتي وانا كله ابجي ومنجرحه
ليش تسوي فيني جذي والله اني احبها واحب ولدها
واحب اهلي ولااني بحاسده ليش تجرحني
والله اني اخاف عليه واقرا عليه

اهيا نست اشلون وقفت معاها ايام حملها :(

يا بنات والله ماني طايقه اروح بيت اهلي

واذا رحت ابدا والله لو اشوفه يصيح ويبجي جدامي

ما راح اشيله

يارب ارزقني انا والمحرومات وفرحنا بالذرية
اللي تملي علينا حياتنا
وتبعد عنا عيون الحساد والعواذل

يارب صبرنا وجبر بخواطرنا
وانا والمحرومات