كلامك سليم أختي بارك الله فيك

بصراحه انا ناويه افرزن لاول مره وبإذن الله تضبط معي وما اتفشل بس راح اسوي بروفه قبل رمضان هههههه

يسلمو على الموضوع وفعلا رمضان للعباده مو للطبخ اهم شيء ما يدري ابو العيال هههههههههه

بصراحه... انا واختي نفرزن السمبوسه بدون علم امي لانها رافضه ها الفكره تقول ليش ماتسوونها كل يوم بيوم طبعا احنا متزوجات!
بس انا بعد ماعرفت طرق التفريز الصحيحه واخذت كورس من المنتدى وشفت كيف خففت عني الشغل وانها بنفس الجوده وماتتغير صرت افرزن السمبوسه والبف واصابع الجبنه فقط!وشجعت اختي عليها وصرنا نتعاون اخر شعبان نوفر كميات تكفينا طول الشهر ...
وان شاء الله اقدر اقنع امي انها تفرزن على الاقل للعزايم الكبيره اللي تكون عندها برمضان
وشوكرررررررن

انا عمري ماجربت التفريز

بالنسبة لي..

طول السنة نفرزن..

أبوي الله يخليه ديوانيته مفتوحة طول السنة..


تخيلي يوم كنا معزومين على زواج..وأبوي جايينه ضيوف من برة البلد..

وأبوي ما يحب يكرم ضيوفة من مطاعم..غير الذبايح طبعاً..

ومافي شغالة بالبيت..

فقمنا طلعنا اللي بالفريز..وسوينا له تشكلية عشا وأمي سوت بخاري لهم..

وبكذا قدرنا نروح الزواج..ونكرم ضيوفنا..


وغير كذا أبوي وأخواني طول رمضان عزايم بالبيت..

وهاللحين زوجي بعد مثل كذا..

ويجون الشباب يجلسون عنده بالمجلس..وأحياناً يطلب مني أسوي لهم عشا..

مافي أريح من إني أطلع اللي بالفريزر..يفك الثلج شوي عنهم..وأكمل تسواتهم..


وأكيد بشهر رمضان بنطبخ..

مو معقول بنعتمد على الفريزر بس..


يعني سلطات..و رز..وإيدام..وشوربة..كلها يبغالها وقت..

ومو معقول لو وحدة عايلتها كبيرة..تقضي وقتها بس بالمطبخ..


صحيح خدمة للصيام..ولنا أجر..

بس ما يمنع من إننا نجهز بعض الأشياء اللي تاخذ وقت..


تخيلي كل يوم تلفين سمبوس لـ 10 أشخاص..أو أكثر..

لو بتحسبين لكل واحد 3..ويتشيرطون..يبون لحم..وجبن..وخضار..وبطاطس..



وتسوين تشكيلة معجنات..وغير الحلويات والقهوة..والعصيرات..


ترى حتى العصير لأفراد كثيرة ياخذ وقت..

غير اللي هي و زوجها..

يعني تخيلي اللي بتسوي مقدار 4 كاسات عصير..

واللي بتسوي أكثر من 5 أجياك...


مرة تعيجزت أفرزن..والله ليلة العيد كملت أخر جزء في القرآن..

بس مع التفريز..أخلص 3 ختمات بالراحة..

ورمضان فرصة للتوبة والطاعة والتقرب من الله..

وبنفس الوقت حنا نوزع على بعض الأسر المحتاجة برمضان..

يعني قبل الفطور بساعة نروح كم بيت نعرفهم..ونعطيهم من فطورنا..

لو بنطبخ كل شي بنفس اليوم ما بنقدر نعطيهم كل يوم في نفس الوقت..لأن أحياناً الوحدة ياخذها الوقت..ويأذن وهي بالمطيخ..


واللي عندها عيال و أطفال صغار ونومهم ملخبط..يمكن ما تقوم بدري للطباخ..



الله يجزاك خير أختي..على الموضوع..


في أمان الله..