ريحة مطررر

ريحة مطررر @ryh_mtrrr

محررة ذهبية

ليش تفضلون الولاده عند الزوج

الحمل والإنجاب

ليش تفضلون الولاده عند الزوج انا عكسكم

هذا الرابع وناويه اولد عند اهلي الله يخليهم لي

احس مهما كان الزوج طيب مايجي مثل الاهل

في بيتي احس بإكتئاب الولاده ووحده وتعب الاطفال مدارس مع بيبي صغير يسهرني

اما بيت اهلي امي وابوي واخواني وخواتي ربي يحفظهم ويشيلون عني النونو واريح جسمي

اكلي وعيالي مااشيل همهم والاكتئاب والوحده ارحم من بيتي

غير اني اكون كارهه زوجي اصلا من الاكتئاب ايش ابغى بمقابله

واشيل هم الضيوف اذا جوني ببيتي مع التعب

السلبيه الوحيده في بيت الاهل شيل العفش

طبعا اللي عندها ظروف وماتقدر تروح لأهلها ماالومها انا اتكلم عن اللي اهلها يبغونها تولد عندهم وترفض تبغى بيتها ايش السبب

مين معاي ومين ضدي...بشوف ارائكم
19
3K

يلزم عليك تسجيل الدخول أولًا لكتابة تعليق.

تسجيل دخول

asiatic lily
asiatic lily
انا معك طبعا مافي مثل الاهل
بس مو كل اهل ياقلبي يقدرون يهتمون في بنتهم ..
خاصه الي مالها خوات وامها كبيره وين هاذي تروح لهم !!
[Faith]
[Faith]
اذا امك فيها حيل وعندها شغاله هذي نعمه من رب العالمين ،،
بس غيرك عندها ظروف امها كبيره وماعندهم شغاله تساعد اذا فيه ضيوف ،،
وفي اهالي مايستقبلون بنتهم بسعة بال ولايستحملون اطفالها في زياره فطبيعي ماراح يستحملون نفاس ،،
فاذا ظروفك كويسه مع اهلك الحمدالله ،،
بس اللي عندها ظروف الله يكون في عونها ،،
ريحة مطررر
ريحة مطررر
طبعا اللي عندها ظروف معذوره وماالومها
ظـل السحـاب
ظـل السحـاب
يعتمد على الأهل عندهم المقدرة على رعايتك مع الأطفال أو لا..
أنا على سبيل المثال تنفست في بيت أهلي في ولادتي الأولى..
لكن هالمرة بقعد في بيتي..
لأن والدتي توفت من كم شهر الله يرحمها.
بس لو كانت موجودة كنت رحت عندها.
أحس اني بتعب نفسياً في هالولادة
الله المستعان.
اخت غاده
اخت غاده
والله يأختي احمدي ربك انه عندك أهل

والا الوحده وش حادها بالجلوس ببيتها

وبعدين بعض الاهل والاخوات هم يطفشون من خدمة اختهم

اعرف وحده أهلها تخيلي حاطين الحلبه حقتها بالحمام اللي تستخدمه هي والشغاله يقلون عشان ماتطلع ريحه

الحلبه بالبيت تخيلي تروح للخمام وتفتح العلبه وتأكل الحلبه وتطلع

والحمام مو خاص فيها تستخدمه هي والشغاله

وش رأيك هل تبينها تجلس مره ثانيه عند اهلها

طبعا كانت بكريه يعني ما معها لا أطفال ولا شئ