طيب اذا انتي عارفه طبعه ليه تشترين له والله مايستاهل تشترين له شي وحطي ببالك هذي اخر مره تاخذي له حتي لو حاجه بريال خلي فلوسك عندك طالما هو بخيل بيجيك يوم وتحتاجينها ولا تعلمينه باي قرش عندك لا بحافز ولا من عند اهلك حسسيه انك ماعندك ولا ريال ودقيه بالكلام مثلا ثيابي يفشلون ماعندي جزمه عدل عبايتي منشقه وهاكذا زن زن زن لين يبتدي شويات يصرف عليك والله يعينك عليه

انا عن نفسي ما اقول لاحد بس زوجي كل شي يقول لاهله
واهلي مدري كذا يمكن من نفسهم عرفو ان زوجي ماعطاني مدري صراحة كيف عرفو
اذا رحت معه لسوق يقول انتي ادفعي من عندك اذا قلت له انت ماتعطيني من وين ادفع يقول عندك حافز
او يقول لي انا اعطيك مصروف وين توديه طيب انا مشتركة بجمعية ومصروفي يروح ع الجمعيات
في فترة الخطوبة معرفة عند الكل فترة الهدايا و الحاجات الحلوة انا ماشفت منه هدية وبعد الزواج اذا قلت له
انت ماتجيب لي هدايا يقول انا عندي ظروفي عندي قروض وعندي الشقة حاليا اشتغل فيها
ممكن يكون هذا سبب ان راتبه كل يروح ع الشقه لان ساكنين ايجار وحاليا نرمم بشقة ببيت اهل زوجي
مابنكر ان اذا عنده مايقصر معي بس مقصر معي بالسفرات والهدايا ومابنكر ان اذا اشتهيت اتعشى برا مايقصر معي
في في حاجات مقصر معي فيها ..

اللي يقولو اش دراك عن بنات عمه ، اولا لبسهم وعطوراتهم من احسن الماركات وكل يوم عبايه جديده
والراحة تبين من وجيهم ، ودايم بالانستغرام وصورهم بالواتساب يحطو صور اعيادهم وحفلاتهم مع ازواجهم وسفراتهم
وطلعاتهم ، ربي يبارك لهم برزقهم ، بس والله انا اتضايق من حالي ان ماشفت الراحة بحياتي ابدا لا مع اهلي ولا مع زوجي مايسفرني مايسوي لي مفاجئات وهدايا لبسي ما البس الا من الرخيض كل سنتربوينت سيتي ماكس ورد تاغ
وقليل مرة اشتري من الماركات ، وغير اني اجمع لي حافز ابي اكمل دراسة وكل مرة يطلع لي شي واضطر اني اصرف منهم ..

احتاج دعواتكم لعل دعوة منكم تفرج همي

اقعدي قدام ابو سروال وفنيله وطلعي الي بقلبك بس باسلوب ذكي وحنكة حريم
مو تقولين وتخانقين كذا ما تستفيدين شي
وتفاهمي معاه
ولا تفكرين بالناس سافرو وصرفو وراحو
انت منتي جالسه ببيوتهم ياما حريم قدام الناس مسويه سعيده ومبسوطه
وهي بهم ما تشيله الجبال

جبتي له هدية ومن فلوسك 


تتوقعين راح يقول يوة ماقصرتي حبيبتي وتكبرين بعيونة انتي غلطانة 


بالعكس يقول تحبيني وتموت فيني وانا ماعطيها شي يعني راضية بالعيشة ولاراح ييتغير 


غيري طبعك وسياستك مع زوجك 

ولحقي علي عمرك قبل لاتعظين اصابع الندم 


طالبي بحقوقك غصب طيب طالبي فيها 


ماعندة مصروف لك ليش يتزوج بس علشان ينام معك ؟؟؟؟ 


نصيحة غيري من نفسك 

هالكلام اعيد واكرر وانا اقوله لكل الحريم
طالبيه بمصروف خاص لك ع حسب راتبه
وع فكره مو لازم تشترين ماركات عشان تصيرين عايشه بسعاده
ياما ناس لابسين ماركات وف بيوتهم انواع الذل اما ضرب او خيانه
السعاده في الموده والرحمه اللي بينكم
واحترامه لك قدام الناس
مايمد يده ولا يخون
وياما ناس تسافر وتسوي حفلات زوجيه بسسسس عشان تصور للانستقرام اما من جواها غير سعيده
وياما حريم تسوي انها عايشه مبسوطه وكله هياط فاضي
لاتاخذين بالظاهر ولاتراقبين حد عشان ترتاحين