ليش خواتي كذا

اتمنى انكم تريحوني بردودكم الحلوه

والي ما لها خلق لاترد رد يجرحني رجاء

لاني اصلا متضايقه فا تسوي فيني خير ولا ترد


المشكله وما فيها

انا الحين نعمر بيت والله والله ما طلع وانا اشوف من هواش ومشاكل انا وزوجي طبع بعد سنين من الزواج 14 سنه


المهم انا كنت افرح كثير لاخواتي واحب لهم الخير كثير

رغم ان ثنتين منهم بسكن ماشاء الله كبير وراهي

وحده بيت ملك

المهم الحين جاء دوري نفس افرح نفسي يشاركوني فرحتي

تخيلوا

مثلا انا صراحه نفسي استشيرهم بشي او اخذ رايهم لانهم خبره

والله من اتكلم في بيتي ما ادري الا وجهيم متغيره
ولا بعد

ما يحاولون يتجوبون معي ابدا

امس كنت عند اهلي

طبعا امي عايشه بخير ونعمه وما يملا عينها شي

طبعا انا مساحة بيتي صغيره

وهاتك تعليق من امي

قلت معليش امي وهذا طبعها

بس صراحه حز كثير بخاطري من خواتي

ياما وياما شاركتهم وساعدتهم وفرحت معهم
والحين نسوا

كل شي

امس كنت عندهم

كنا نحكي عن التكيف قلت ايه ان الحين بفتره التمديدات ما دريت الا وحده ع طول وجهها يتغير
وع طول قالت اصلا انتم ما تقدرورن على التكيف المركزي

حمد لله وش جاب الطاري انا ما قلت الانواع ولا شي

ع طول تحطم

والثانيه كنا نحكي عن التخفيضات بهوم سنتر

قلت فرصه شكل بشتري لبيتي الجديد اجمع من الحين ع طول احس وجها تغير ومسكت جوالها وجلست تطقطق فيه

لييييييييييييييييييييييييييييش ليشششششششششششششششششششششششش انا ما يبوني احكي

وهم يااااما ازعجوني وين نحط الباب من وايش لون البويه ابو فلان قال لازم اشتري غرفه جديده
وانا كنت اسمع واعطيهم تجارب وخبرات البنات با المنتدى


والله الي مضيق صدري اهلي ما فرحو لي تخيلوا ما كاني فتره عمار محد يسالني حنا بي مرحله

لا امي ولا اخواتي

الا اخوي اصغر واحد با العايله تخيلوا هو الوحيد الي معطيني وجه


صراحه انا الي متعبني اني كنت اسمع لهم رغم اني كنت محرومه من ها الشي

والحل ........انا ما نمت الليل

اجل اذا سكنت واثاثت ايش بسوو فيني اخاف يقاطعوني