ليش دايما تكتبون الاشياء السلبية في ازواجكم؟؟ تعالوا نذكر محاسنهم

امتلأت الحياة الاسرية بشكوى النساء من ازواجهن.. اللي يخونها واللي يهينها واللي يضربها واللي يحتقرها واللي متزوج عليها واللي مايهتم فيها او بمشاعرها وغيره وغيره .

فياليت نغير هذي الموجه .. ونجرب نبدأ بذكر محاسنهم وايجابياتهم ومواقفهم الزينة معنا ومع عيالنا ..
فمثل ماتكلمنا عن المساويء خلونا نجيب المحاسن

راح أبدأ أنا حتى اشجعكم ..
زوجي - بحمد الله - طيب وخلوق وملتزم واهم شيء معجبني فيه انه يغض بصره عن الحريم.. ويرفض يكلم حريم بالتلفون سواء للفتوى او لطلب عمل خاص او تقويم اوغيره.. يخليني أكلمهم أنا وارد عليهم انا.
تعجبني فيه بعد حرصه على صلة رحمه وجيرانه .. وعلى الرغم من انشغاله الكثير الا انه متابع لدراسة عيالي والمذاكرة لهم ان سمح وقته بذلك.
وحريص على تربية عيالي على مباديء الدين .. مثلا اذا جاء يصلي الفجر لازم يروح بعيالي الاثنين معه (11سنة و7سنوات) للمسجد.. ومدخلهم حلقة لتحفيظ القرآن العصر .. ولمركز صيفي بالعطلة..
هذا مااتذكره هالحين ..
يالله هاتوا ماعندكم.. ولاتصيرون كفارات العشير:26: