ليش شعرك يتساقط/ ما يطول 🍨

ليش شعرك يتساقط / ما يطول 🙇🏻‍♀️

بنوتات اعرف هرجي كتير بس ليا فترة ادقق في نفسي ( ودا غلط ) واشوف ايش الاشياء الي اتعلمت اعملها بدون ما احس عشان شعري يطول

وفهمت الآتي

الشعر يتساقط بسبب وحدة من دي الاسباب او كم سبب مع بعض

1- لخبطة هرمونات ودي حلها دكتور لا تدوري بالنت حل ليها ابدا

2- ادوية الكيماوي الله يبعدها عننا وعنكم ويعافي الي ياخدوها، لانها تزيد هرمون الذكورة ف تطيح الشعر بس ما تقلقي اول ما تخلصي الكورس بيرجع شعرك

3- نقص الحديد ولاحد يناقشني فيها، لو انك ربانزل شعرك اكيد اخف عن طبيعتو القديمة بسبب نقص الحديد حلها مكملات حديد ولحوم وكبدة اكتر من مرتين بالاسبوع ومساج يومي للفروة وراسك مقلوب

4- عدم غسل الشعر بطريقة صحيحة

لازم تغسلي شعرك مرتين double cleanse يعني حطي الشامبو مرتين واتوقع كلنا نسويها، بس حتى لو شعرك جاف لااازم تغسلي شعرك مرتين بالاسبوع زيتيه كل يوم قبل النوم بكمية بسيطة من الزيت عشان لما يجي يوم الغسل يكون مزيت ودا شي يحمي الشعر

5- القشرة ولو كانت بسيطة
حكي فروة راسك لو طلع قشرة دهنية تحسيها زيتية شوية ضروووري تستعملي نيزروال مرة كل اسبوعين، لو القشرة الجافة الي هيا اساسا جلد فروة راسك قاعد يتقشر يعني تكون قاسية وجاافة دي معناتها العكس تماما زيتي فروة راسك كل 3 ايام بزيت لوز حلو او جوجوبا فققطط

6- ما تستخدمي ليف ان واغطية مخدة ساتان

7- ما تاكلي سمك مرتين بالاسبوع، لو ما تقدري خدي حبوب اوميقا ثري ومووو المخصصة للاطفال لانها ضعيفة عن تجربة

8- الوراثة، ولو عندك مشاكل صلع وراثي حلها الوحيد المينوكسديل اما زيت اكليل الجبل يطلع شيب وما ينفع مع الكل عن تجربة

9- الشامبو فيه سيليكون
يعني ما احكي لكم حرفيا كل مرة احط المشط بشعري المشط يتحول اسود من كتر الشعر الي طاح بسبب الشامبو فيه سيليكون

10- البلسم حقك خالي من السيليكون
بنات السيليكون مضر للفروة لكن مفيد للشعرة، يحمي الشعرة من الحرارة والتكسر، ف جيبي منتجات ترطيب للشعر بالسيليكون

11- تاكلي منتجات البان بكترة، ودي تجربتي انا

لمن قطعت منتجات الالبان شعري سار من اخر ضهري لاخر مؤخرتي ب6 اشهر تقريبا

وبس اتمنى اكون افدتكم

لا اله الا الله وحده لا شريك له الملك وله الحمد وهو على كل شيء قدير 💓 دعواتك لو استفدتي