ام الخمائل :

لانك ما جربتي بعض عينات المجتمع الله لايبلانا,,,, باعطيك عينة من ناس حولي .. يسلمون عليك وقبل تجلسين يقولون من جابك؟ زوجك ولا لااخوك؟؟ ان قلتي جابني زوجي قالت الله يخلف علي زوجي ما درى عني...وان قلتي اخوي قالت اخوك موب زي عيال هالوقت في طوعكم... تجلسين تقول ورى ما جبتي معك البنات؟ تقولين عندهم مذاكره...تقعد تسأل عن معدلاتهم لاحظي المعدلات لانها تتغير كل فترة لكنها عارفة مراحلهم....وان قلتي نايمين فتحت ابواب ثانية للاسئله... شوي وتقول وراك ناحفه ؟ متوحمه صح؟؟ تقولين لا والله مسويه ريجيم...وش نوع ريجيمك ؟ كم نزلتي؟ كم كان وزنك؟ وش شعور زوجك يوم نزلتي؟<<<فيس بيموت اخوك فلان واختك فلانه كم عندهم اطفال؟ وراهم يتأخرون؟ مرة اواخوك فلانه وراها كذا؟ عاد هنا فاكهتهم حريم الاخوان ويتمنون يلاقون شي بينكم عشان يقولونه... ويبقى الوضع على هالمنوال لين تطلعين.... من بكره يجيك اتصال من جارتك : ماشاءالله خموله انتي بتسافرين وانتي حامل؟ومرة اخوك مقاطعتكم؟؟ لا والله من يقوله؟؟؟ امس انتي كنتي عند فلانه وتقول انك قايلته لها!!!!!!!!!!!!!!!!<<عشرين الف استفهام.... رجال يدخل بيتكم رزة وكاشخ....جا يسلم على اخوي ولاقاه الوالد عند الباب.... بكره يجي الخبر ان اختك مملكه<<<<عاد اربطوهم ببعض بطريقتكم الخاصة!!! عن نفسي قسمت المجتمع الى ثلاثة اقسام... قسم اعلمهم باخباري ما عندي مشكلة...واحترمهم ويحترموني... قسم اعطيهم بعض العلم واخبي عنهم اكثره...لانهم لو وصلتهم معلومة معينه بيبنون عليها مية كذبة زي الشياطين اللي تستمع للسماء... النوع الثالث...سلام علسكم وعليكم السلام...واذا سألت عن شي اقول هذا شي يخصني وما تهمني ...بس اذا هي كبيرة بالسن اقول المعذرة ما اقدر اتكلم... وفيه نوع تحبينه وتعرفين انه طيب ويبي لك الخير لكنه ما يمسك لسانه فتضطرين تخبين عنه محافظة على امورك... هذا عاد غير قضية استكثار النعمة عليكم وتكبيرها عند الناس والتنحت والبربرة ...الخ خليها على ربك يا شيخه...شكلك ما بعد جربتي... بس فيه ملاحظة عرفتها من مخالطتي للناس...اكثر الناس لقافة وملاحق لاخبار غيرهم هم اشد الناس حرص على اخبارهم لاتطلع....الا اللي تطبعت بهالطبع بعد تجارب مريرة هذي مهما حاولت تخبي ما تقدر.. بعدين يا اخواتي وش لك باخبار خلق الله؟؟؟ تزوجت او ولدت او تطلقت او سافرت او او او او ...بسلامتها ..مادامت طيبة الله يحفظها.... اذا هي بتتكلم معي نفس حلوة وتعلمني والا مالي عليها اي حق لاتقولون نبي نفرح لها ...لا تفرحين يا اختي...افرحي لنفسك وعيالك وخلي الناس بحالها...لوهي تبيك تفرحين لها كان علمتك خلاص انتهينا....

لانك ما جربتي بعض عينات المجتمع الله لايبلانا,,,, باعطيك عينة من ناس حولي .. يسلمون عليك وقبل...