ليش كانو ينتقدوني وانا طفله والان بناتهم

مساء الخير
في طفولتي كنت في صف ثالث ورابع امي جابتني بين اولاد واهلي ما عندهم شغاله معنهم مقتدرين حتى كانت أمي تولد ولا تجيب شغاله فكانو خالاتي ثنتين وايضا عمتي ينتقدوني اني لازم اشتغل وانظف وامسح ويحرضون امي وامي صارت أشد منهم كانو جميعا يرون اني لازم اقوم في البيت واخدم اخواني تخيلو اكون جالسه في المجلس واسمع الانتقادات بنتك كسوله المفروض تشتغل شوفي بنات الناس أصغر منها وقائمات في البيوت وامي ترد تقول ها البنت ما فيها لا نفع ولا فائده واذا اشتغلت تسوي الشي غلط فالحه في النوم والكسل الصراحه امي المفروض تمسك يدي وتعلمني شي ينفعني مو تصفق لناس اذا بدئو ينتقدوني والمفروض تقسم الشغل بيني واخواني ليش انا مفروض اني اخدمهم لحتى ما قوو شوكتهم علي وبعدين انا كنت طفله في عمر ٩ سنوات فكنت اسمع وفيني البكيه كنت انقهر من كلامهم عني ومن امي اكثر شي المفروض تحط حد انا بنتها هم مو نافعينها وكانو اهلي يقدرون يجيبون شغاله بس مدري ليه محرمينها الان انا كبرت وتزوجت وبناتهم كبرو الي عمرها ٣٠ والي ٢٧ والي ٢٥ بس اشوفهم مره مدلعينهم بزياده كنهم اطفال تخيلو مره خالتي تتصل على بناتها وترد بنتها ام ٢٧ قالت حبيبتي صحيتو من النوم قالت ايه وتسئلها هاه تغديتو قالت لا قالت طيب قولي لشغاله تطبخ لكم وبنت خالتي الثانيه تقول ما اعرف اعيش، بدون الشغاله اول ما اصحى اناديها تعدل فراشي عساني اقوم اغسل وجهي لا وبنت عمتي عمرها ٢٦ كانت امها عندنا وهي ما جت من منطقتهم واشوف عمتي تتصل على بنتها المتزوجه تقول لها خلي الشغاله تروح لم بيتي ابيها تنظف وترتب وتبخر لان اختك بتجيها صديقتها وخليها تسوي لها معجنات وحلا وقولي لها وهي تشتغل بشويش لان اختك نائمه لا تزعجها
انا الصراحه ودي ارد عليهم بس بحترام ودي اقول الان بناتكم في العشرينات والثلاثينات الوحده ما تشيل ولا الخيط من الأرض اجل ليش انا يوم كنت طفله كنتو مالكم سيره الا انا ليش ما اشتغل ليش ما انظف وتنتقدوني قدام وجهي وانا كنت اطالع وخانقتني العبره الصراحه هذا إيذاء نفسي لطفل
لا أحد يقول ماضي وانسي ومدري ايش انا لساني يحكني اذا شفتهم يعاملون بناتهم بدلع ماصخ وانا في طفولتي تلقيت إهانات وتجريح منهم الصراحه مو قادره اسكت احس بنار جواتي