ابقولكم مشكلتي يابنات وانتم قولوا لي رايكم
مره كنت رايحه للرياض زوجي عنده شغل وخليت ولدي اللي عمره خمس سنوات عند اهلي وكان عندهم اختي المتزوجه عاد حطيت معه ملابس حقة كم يوم المهم جلست في الرياض يومين ورجعت وكاانوا اهلي مجتمعين في استراحه هم وعماتي عاد انا ماوصلت الا المغرب قلت لزوجي بروح لهم على طول مايحتاج امر البيت لااتاخر المهم يوم رحت لهم يشوفني ولدي يجي يركض لمي يسلم علي يوم شفته دمعت عيوني تخيلوا الاستراحه جمعه وولدي تقولون مشرد ملابس وسخه وشعره مبهذل وريحته تصرع المشكله مامعي له ملابس واهلي ماجابو ملابسه معهم عاد اختي لاحظت ان وجهي متغير جت قالت لي كنت ابغى اروش ولدي وولدك يوم فصخت ولدك لقيته مسوي (الككه) على سرواله وحامت كبدي منه ولاروشته اعطيته ملابسه وقلت له غير لحالك ولاادري هونظف نفسه والالا
عاد والله ولدي ماعمره سواها مدري فيه اسهال والا وش قصته عاد انا انصدمت ماقلت شي قلت الله يهديه وبس
المفروض انها اذا كانت ماتبغى تنظفه تقعد عنده وتخليه ينظف نفسه لين تتأكد انه نظف المشكله ريحته تصرع يشمها اللي على بعد كيلو يعني اكيد بتشمها حتى اخوي قال لي خلي ولدك يتنظف زين متفشل من ريحته عند الرجاجييل حتى امي والله تشرهت عليها امي توها شباب ليش مانظفته مدري اتكلت على اختي والا وش عندها
والله اني جلست ابكي كل الليل اتخيل لو اموت من بيناظر عيالي انا علاقتي باختي ممتازه بس كل مااذكر هالسالفه يضيق صدري واقعد اصيح واكره اختي
قولوا لي اختي غلطانه والا لا؟؟؟
ام مودي وتونه @am_mody_otonh
عضوة نشيطة
يلزم عليك تسجيل الدخول أولًا لكتابة تعليق.
غرد البلبل
•
الله يهديها ولدك مثل ولدها لو ولدها مكانه تنظفه ولا لا المفروض تنظفه وتروشه وتسرح شعره
انا زيزي
•
الله يخليك لولدك ويطول بعمرك ويعطيك الصحه والعافيه يارب بصراحه اختك غلطانه ماحب اقول يمكن ويمكن واعطيك تبريرات مالها داعي شي واضح ويزعل حرام عليها كيف تخلي الولد كذا لو ماجيتي كان جلس كذا لمتى لا وبستراحه ولمه يعني لو ولدها ماحامت كبدها قامت فيه الله يهديها
الله يسامحها لاتتحركين الا ولدك معك او مع ابوه حرام
لاتحملين مسؤليت عيالك لغيرك واختك كان رديتي عليها لو كنتي بمثل موقفي تتوقعين بترك ولدك
لاتحملين مسؤليت عيالك لغيرك واختك كان رديتي عليها لو كنتي بمثل موقفي تتوقعين بترك ولدك
الصفحة الأخيرة