ليش كذا ياست الحبايب 😢😢

السلام عليكم
كيفكم طييبين عسى من تسمع لي وتفيدني ربي يوسع طريقها ويغفر لها
بس حبيت افضفض لكم وادور لي حل لمشكلتي
مشكلتي هي امي
احسها متغيره علي بالمره احسها صارت غامضه علي
بالأول خليني احكي لكم عن علاقتي بها
امي من وانا صغيره كنت اخدمها ومااشكي لحد واسمع كلامها وماعاندها واخدمها شلت مسولين البيت من صغري وهي معتمده علي
عكس خواتي اللي اصغر مني واختي اللي اكبر مني ماتشتغل وماتحب تشتغل
فكنت انا خدامتها وافتخر اني اخدمها
بأيام زواجي احسها متنكده وكانها شايله هم اني بروح عنها لاني كنت احل محلها لاسافرت
تزوجت فكانت ماتسير علي زي خواتي علما اني ألح عليها بزياره فكانت زيارتها لي معدوده زوجي قبل كان مانعنين من زيارتها الله ياخذ حقي منه وهي تحسبني راضيه وعاجبني علما اني لاجيتهم كنت أعلمهم وقحاته معي وأقولهم مايجيبني لكم الأبعد ايش
حصل اكتشفت انه سكران ويحشش بعد
طلبت الطلاق من بعد ماولدت
عاد هنا تجي السالفه
بعد الطلاق امي ماهي هي تغيرت واجد
ماعدت اعرفها
بكيت واجد انقهرت ليش صاده عني انا ماسويت شي انا المظلومه بالدعوه كلها
تعامل اختي احسن مني علما ان اختي وقحه ولسانها طويل وتأخذ حقها وزياده
وانا احترمها بس كاني مستخف فيني
عندي ولد اخو كبير بسادس امي مربيته لان امه ميته
هاذ الولد شقي يشريني وانا نايمه لسانه وصخ يضرب ولدي عقده وهو عمره سنه
اذا هاوشت او ضربته اخذ حق ولدي اللي ابوه ناسيه
تزعل وتكبر المشاكل ولاتهوشينه وماعليك منه هي خافت على ولدها وطيب ولدي اللي عمره سنه موخرتك ينضرب تعبت واجد منهم
امس ولدي كسر تحفه لقاه تحت بمجلس الحريم لقاها بالارض نازله عن الدولاب
ماهو ذنبنا انا وياسر اذا اختي مانطفت ورتبت المجلس لانه شغلها ياجاني هوا اش وكانها وش
قلت الأغلظ على اللي ماشالها
قالت انتي ماهمك الاجوالك ولدك ماتدرين عنه
هذا بدال ماتقول الحمدلله ع سلامته لانها التحفه قزاز
قلت بشتري لك تحفه وخلاص لاتكلمين
قالت مابي شي
تصارخ الفجر وكانها جريمه
والله لو ان ولد اخوي كاسر ها ماقالت شي
وقبل فتره ولد اختي الثانيه كسر ترمس قهوه وماتكلمت
حزينه على حالي انا وولدي
وربي بغت سلف امس والله اني اعطيته من فلوس عيد ولدي وماقلت شي
وانا كنت محتاجتها عشان اشتري له لبس فيها
ليش هالتغير انا وش سويت
وغيرها الكثير الكثير
وربي اشياء دقيقه استحي اقولها لكم
اعتزلت كل من فالبيت صرت رسميه مع الكل
على فكره بيتنا مافيه لغة حوار
يعني بي يهوشون ودايم صراخ
زمان كنت اسوي القهوه والشاهي واناديهم يتقهوون وللحين انا كذا بس ألقى برود منها وعدم مبالاة وإحساس في وفمشاعري عكس اهل البيت وخواتي الثنيان ألقاها تكلمهم وتسولف معهم زين



أرشدوني كيف أتصرف معهم عشان اقدر اعيش بس بهدوء
تعبت تعبت ومافي حد اشكي لهم غيركم
عسى من ترد لي ربي يفرج كربتها ويفتحها بوجهه