ليش كذا يا اخواتي مستغربه

ماقد قابلت كذا بالواقع بالعكس
والتيك توك اللي يعلقون فيه مجانين

الناس محد ينتهي من كلامهم فيهم الجاهل والاحمق والمريض ووالخ
من فضل الله علي ماحب ادخل في احد.

والله هم الجاهلين انا شخصيا اعرف ناس كملو دراسه ومعهم شهادات لكن العقل الله يخلف عليهم ولايبتليني ولا كأنهم متعلمين وفي ناس مامعهم شهادات لكن العقل يوزن بالذهب والكلام تبارك الله واخلاقهم عاليه فالحكم من خلال شيء محدد ظلم للشخص الاخر

وهذا اللي زعلني يعاملون الشخص على حسب اللي عنده عنده شهادات يحترمونه ماعنده خلاص انت فيك كذا وانت كذا ماله دخل كل انسان بهالحياه يستحق الأحترام طالما انه ما اذانا بشي اروح اشتمه واصفه بأوصاف سيئه عشان شهادته شي غريب فعلاً

لا يمكن شخص شجاع في الحياة الحقيقية يهاجم ويسب بهالشكل لأنه الشجاع له ثقة قوية في نفسه وتأنف روحه من تحقير كرامة الناس بهالشكل....معروف النت طلعلنا ناس جبناء عندهم ضعف في الشخصية على أنهم أقوياء .... وغالبية المتنمرين جبناء أصلا.....هذا لو كان كاتب العبارة شخص كبير.

أحيانا يكونون المعلقين من المراهقين .... وهذا للأسف يدل على أنه هذا المراهق أو المراهقة ما تربى في بيئة تدعم الرحمة والتعاطف مع الناس والخلق السليم.

في أيضا تعليقات راقية جدا وهذي أيضا تعكس أخلاقيات الشخص والبيئة اللي جا منها والتربية اللي تلقاها.

والأفضل أنه ما أحد ينشرله على السوشيال ميديا أو ما يحاول يكون مشهور لأسباب الستر أولا , والخصوصية ثانيا , وثالثا عشان ما يعرض نفسه لكل هالأشياء.

أما بالنسبة للشهادات , كان الاعتقاد القديم أنه اللي فاهم ( فقط) اللي عنده شهادة والباقي أقل فهما ....كأنه عباقرة العالم مثل ابن سينا والرازي وغيرهم اتخرجوا من المدارس !!!

الامارات حاليا التحقت بدول قوية علميا واقتصاديا مثل ألمانيا اللي ما تعتمد على الشهادات أصلا في مجالات كثيرة وتعتمد على تطوير الشخص نفسه ومدى قوته في المجال اللي اختاره...يعني مثلا يكون في شخص ترك الدراسة في الاعدادية واتعلم البرمجة ومطور نفسه فيها ...أكبر شركة فيك يا ألمانيا بتقبله وبراتب قوي....لانه الشهادة لا ( ترادف بحتمية) الثقافة ولا الذكاء.