ليش كل شي على البنت البكر

لاحد يرد إلا اللي فاهم مقصدي
بنات بستفسر ليش الأمهات يجيبون عيال
وآخر شي ماتبي تتحمل مسوليه وتجلس ترمي
كل المسؤليه على البنت الأكبر سواء تنظيف بيت
اهتمام بخواتها الصغار تصير تطلع وتجلس البنت بالبيت تهتم بالأب والخوات ونظافه البيت
وياليت بس لما يكبرو تفك الأم عن البنت
لا حتى إذا كبرو الخوات خلاص يتاقلمو ان الأخت الكبيره مسوله عن البيت وكان هي الأم انا تعبت وحامت كبدي وخلصت طاقتي وكل ماشكيت لاحد قالو الأغلب كذا كل الأمهات الجيل القديم كذا
ماغير يولدون ويرمون على البنت المسؤليه طيب انا وش ذنبي إذا انتي يالام تزوجتي برضاك وجبتي عيال برضاك ليش ترمين التعب والهم على البنت البكر أقولكم قبل احسب بس انا أعاني لكن لما صرت ادخل وأقراء بالتيك توك واشكي للقراب مني امي لدرجه ماتبيني أتزوج لان تدري انا اللي شايله البيت حتى المستشفيات خواتي بالكليه
ولما وحده تتعب تنوم ماحد يروح معها غيري كاني أنا الأم امي كانّها وحده من خواتي ماتبي تتحمل خاصه لما كبرت رمت الحمل بزياده حتى المرايل كانت تخليني انا اروح وأشتري لخواتي وافصل !!!!!
يعني حسيت اني شلت مسوليه مو بعمري شلت مسوليه ب اول متوسط ماعشت حياتي كبنت عشت حياتي كام منذ الطفوله والله اني اكره اني البكر واكره الانانيه اللي تصير بالأمهات اللي مايفكرون بتقولون لاتسوين ماقدر خلاص انا مشكلتي وكارهه نفسي ليش كنت اسوي كل شي وانا صغيره يعني لما أقيس شغلي ونفسيتي وصبري على الكرف والتربيه لخواتي والتعب الحين اختي صك عمرها ٢٤ ماتسوي ربع اللي كنت أسويه وانا بأول متوسط تمنيت اني أنانيه وغير اعتماديه عشان ماتحمل فوق طاقتي وامي ماطقت خبر طاقتي ولا طاقتي ولا تبن كل همها اهتمي بخواتك خلك قريبه منهم نظفي اطبخي عطي أبوك اكله وهي برا الموضوع من كل هذا متخيلين أنها ماعمرها راحت مع خواتي ولا معي مستشفى ولا شي انا كنت اعتمد على نفسي واروح لحالي خواتي صارت تخليني اروح معهم خواتي ضيعو صارو يحسوني انا الأم يعني متخيلين الوقت هذا إذا جاعو مايروحون لامي يقولون نبي اكل يجوني جوعانه انتي ؟ وش رأيك تسوين لنا او مثلا شافوني اطبخ تكفين نبي معك !!!! أنا بشكل لاإرادي اطبخ ماحب اجرح ولا احب ارفض مشكلتي اني ارحم لأبعد درجه المستشفى وحده عنده موعد او تعبانه ماتروح لامي تجيني توديني ؟؟ أنا أقدر اقول لا بس غصب شي تعودت عليه صرت من نفسي أقولها تبين أوديك تبين اروح معك !!!! بس مادري انا متأخره علي الدوره شهرين ونفسيتي زفت صايره واتحسس من كل شي ولا مو طبيعي ان كل شي فوق راسي وبدون اي رحمه خلاص تأقلم. تعودو طيب انا الحين بالثلاثينات متى بيمدي أتزوج واجيب عيال واشيل مسؤليات بيتي ؟؟
ولا يبون بعدين أشيل مسؤليتهم ومسوليه بيتي ؟؟
اقولكم مادري نفسيتي تعبانه أو انا صايره أتحسس بزياده بكل امانه جاوبوني بنات
احس سبب وقوف حظي وعدم تزوجي السبب اهلي انهم محمليني مسوليه فوق طاقتي
وراح عمري وانا ماغير اهتمّ بهذا وهذا لين وصلت هالعمر تعبت نفسيا لما اشوف خواتي افكارهم حركاتهم وهم ٢٤ سنه و٢٢ كانهم أطفال ماكانهم حريم ارحم نفسي اقول ليش انا اللي كبرت على الهم والمسؤليه والتعب ليش هم لا وللآن انا اكثر شي يقهرني ليش الآم خاصه اللي نفس امي ماتبي شغالات لان تتضايق وتخاف منهم تحمل كل شي بنتها !!!!! يعني انا أقولها صادقه اقسم بالله لو تزوجت بيضعون بدوني صدقوني انا اعرف وش وضعي بالبيت أنا اهم عنصر بالبيت أنا اودي اسوي اجيب احط كل شي يجي ببالكم أسويه
انوقع نصيببي واقف للسبب هذا ؟؟