بسم الله الرحمن الرحيم
بعد ما وصل عمري 39 سنه وبعد طول انتظار وبعد تحمل قسوة البيت والاهل وحرمان وصبر طبعاً تقدم في هالفتره عدد لا بأس به لكن اللي معدد واللي ما حسيت انه يناسبني او اناسبه ..وبعد سنين سكبت فيها الدموع كل يوم احلم بزفافي مثل أي بنت تحلم با لفستان الابيض والعرس والفرحه والتجهيز وفارس الاحلام . تقدم لي شخص ما اعرفه عمره نفس عمري تقريباً مطلق وعنده ولد وكان مسجون في السجن السياسي 10 سنوات..ما شعرت بالفرحه يوم خطبني بس كل ما ذكرت عمري لاح لي شبح يخوفني ويقولي يا بنت كمباقي لك على سن اليأس الحقي جيبي لك عيال ..لاح لي شبح الوحده اللي ممكن اعيشها لو رفضت هالشخص ..سكت وخليت الامور تمشي وقلت بشوفه اكيد بتتغير نظرتي وبشوف انسان يدخل قلبي او على الاقل ارتاح له ...شفته بس جاني شعور غريب مع انه مو شين بالعكس شخص عادي لكن ماحسيت ان هو هذا الشخص اللي لي 20 سنه انتظره ..الكل مدح في اخلاقه وشجعني اخذه الكل بدون استثناء ..تمت الملكه وشعودري لا يوصف حزن هم ضيق كئابه ..حسيت كل شي انتهى فيني ..ما ادري ليش... طيب ليش سكت ليش ما ارفض ..كل ما جيت ارفض لاح لي شبح عمري مره اخرى ..كيف ارفض من بيجيني اخاف ارفضه ويجي اسوء منه...قلت خلاص بسلم امري لله لاني ما ادري الخير وين ولا يعلم الخير الا الله ..استخرت كثيير كل يومين استخير ...الضيقه تزيد الهم يزيد ...الاحلام اللي بنيتها سنين انهارت .....مالي نفس اجهز المهر مثل ماهو ما لمسته ...حتى العرس سألوني قلت ما ابي عرس ...مالي نفس البس الفستان الابيض ...طلعت لاختي مبلغ وقلت جهزي اللي تبين وجهزي شنطتي و جهزي فستان العرس واذا جا الموعد بلبسه وبيجي ياخذني من بيتنا وبطلع معه ....كل ما تذكرت اني بطلع تجيني غصه في حلقي وضيق وقبضه في قلبي ...
يا ترى هل شعوري طبيعي ..والا لا ... احيناً اقول لنفسي بلا تفكير مراهقات تزوجي وكو ني اسره ومو لازم يكون الشخص جاي على المواصفات اللي كنتي تحلمين فيها .. واحيانا اقول وش حادك ارفض وريحي نفسك من هالتعب النفسي اللي هد حيلك ... من كثر الهم صار نومي كوابيس ..واكتافي وظهري صارو يؤلموني بأستمرار
جسمي احسه وهن وضعف وماني قادره اركز ...ما تخيلت بيكون يوم فرحتي بيكون بها الحزن والكئابه
الكل يقول لا تتشرطين عمرك راح ..كم واحد رفضتيه وكل يوم يجيك واحد اسوء من اللي رفضتيه ولو رفضتي هذا ماراح يجيك الا ابو 80 سنه خليك واقعيه
قاعده اقاوم عشان اكون واقعيه واقنع نفسي بها الزواج المقاومه اخذت فرحتي وبتاخذ صحتي
مع ان عندي ايمان بالله كبير لكن ليش ضعفت هالمره ؟
احينا ً اقول وعسى ان تكرهوا شيئاً وهو خير لكم
واحيناً اقول ليش ربي ما حسسني بالراحه والطمأنينيه بعد الاستخاره
ودي ارضى واحس بالراحه حتى لو ما حسيت بذاك الفرح ..بس ابي ارضى وارتاح
الرجل ماظهر منه سوء ..لكن ليش ما ارتحت
ليش ما فرحت
ليش احس ان تعاسة الدنيا كلها فيني
ليش الغيت حفلة العرس الي كنت احلم فيها من سنين
ليش مالي نفس اجهز والا البس الفستان الابيض
ومع ذلك ساكته ...لانهم يقولون اللي في عمري مو من حقها تتشرط ولازم تاخذ أي واحد يجي
مع ان شروطي بسيطه ابي انسان ارتاح له ويكون من ثوبي ومايهمني لافلوسه ولا تعليمه ولا مركزه
هل لاني ماني قنوعه مثا مايقولون ؟
ودي ارفض ودي افك الملكه تعبت من الضيق والهم
فضفضه كتبتها لكم ..
وسامحوني ان كنت غثيتكم
لولوه سعوديه @loloh_saaodyh
عضوة نشيطة
يلزم عليك تسجيل الدخول أولًا لكتابة تعليق.
rhom
•
حبيبتي اتوكلي ع الله وان شالله بيكتب لك اللي فيه خير واستغفري لعل الله ان يريح بالك ويزيح همك
اتمنى لك التوفيق والسعاده
ارضي بما كتب الله لك..
اتمنى لك التوفيق والسعاده
ارضي بما كتب الله لك..
ممكن خايفه لانه دخل سجن قبل كذا؟؟؟ اساللو عنه مره مرتين ثلاثممكن خايفه لانه دخل سجن قبل كذا؟؟؟ اساللو عنه مره مرتين ثلاث
خايفه من هالشي اللي يدخلون السجن السياسي مو سهلين ولهم خبايا الواحد مايعرفها .. ونفرت يوم شفته حسيت بنفور
معليش بس عمرك اربعين.. مااحس فيه مجال للرفض
لعل الله يوفقك معه ويرزقك اطفال يغيرون مجرى حياتك.
لعل الله يوفقك معه ويرزقك اطفال يغيرون مجرى حياتك.
الصفحة الأخيرة
هذا نصيبك افرحي وارضي به لاتضيقين صدرك ولاتضيعين الفرصه الله يسعدك ويتممم لك على خيررر