نورتي ياقمر عالمنا .. عالم المغتربات .. لايكون نفسك تتغربين زي حورية :D

صح
كلامك اختي شابورة
وبعد نسيتي شيء انه الغربه تتعلمك على
لاعتماد على نفسك وتخليكي تتعرفين على الكثير من الجنسيات والعديد
من الطبائع
المختلفة والنفسيات المختلفة اضافة الى انك
تعتزي بجذورك لاصيله وهذا اهم شيء لاتنسوا
والذي اضاف لنا الكثير انك تعتزي بنسبك الاصيل ودينك
ونه ثقتك بنفسك تزداد وتتعلمين الجراءة والقوة اي قوة لارادة والشخصية ومافي شيء يصعب عليكي
كذالك
محبة اهلك لك تزداد وحنينهم الى لقاكي وتكتشفي حين لقائهم حبهم لكي وحبكي لهم
مشكورة رائع

شابورة عسى ماشر يالغاليه والله موضوعك اللي في منتدى الترحيب اقلقني حييييييييييييييل

الله يردك لنا سالمه ووالله اني احبك في الله يحفظك ربنا ودعواتي لك

أخواتي في الغربة
حبيت اشارك معكم في الموضوع...و قولكم عن تجربتي مع اني اعتبر جديدة على الغربة (4 أشهر تقريبا)
انا كنت احلم بهاليوم اللي اسافر فيه مع زوجي للدراسة و الحمدالله تحقق...بس لما وصلت هنا حسيت بالوحدة بشكل فظيع...و صرت عصبية اي شي يزعلني..حتى على أولادي الله يخليهم لي..مع ان عندي ولد واحد عمره 3 سنين و بنت ولدتها هنا بالغربة....و حاسة ان هالايام بتمر بسرعة بدون ما استفيد منها...وقتي كله مع الاطفال ما اقدر اروح اي مكان بدونهم..يعني حتى لو ابغى اتعلم السواقة أو اخذ دورات ما اقدر لاني ما اعرف وين اخلى اطفالي...الله يعين.......ما ادري الى الان ما احس اني جربت محاسن الغربة..الله يهون علي و عليكم
تحياتي

هلا شابورة و باقي البنات...

الحديث عن الغربة ذو شجون...لكن ممتع بنفس الوقت...

انا راح أتكلم عن المغتربين السعوديين..أو خلونا نقول الخليجيين المغتربين عن ديارهم لأجل الدراسة...و ذلك لأني أدرى بظروفهم عن باقي العرب المغتربين لأجل العمل...

المرأة السعودية لما تغترب تتصرف تصرفين زي ما قالت شابورة..

تتقوقع على حالها و كل شوي تكلم أهلها و حالتها حالة...

هذي خسرت كثيييييييييييييييييييييييييييييييييييير...
أولا..زوجها يطلع و يدخل و هي تلعن الغربة و ساغتها..
ما عاشت تجربة الغربة بكل معانيها...تقول أنا ما أبغى أتعلم سوافة لأني ما راح أشيل نقابي...طيب يا حلوة لا تشيلينه...هذي الباصات...و لا فيه اسهل منها و أرخص كمان من سيارة و خلافه...
لأ...ما أبغى ولدي يدخل داي كير...ياثر على عقيدته !!!!يا قلبي طيب الولد كبرو لازم يحتك مه أطفال ثانيين مو طول الوقت بالبيت مقابل التلفزيون و إلا تطلعونه مرة بالأسبوع إن كثرت !

و والله ثم و الله ثم و الله..إن عندنا وحدة عندها 5 ما شاء الله كلهم قاعدين بالبيت..ليه ؟؟؟ تقول ما أبيهم في مدارس كندية...طيب بعضهم في سن مدارس !! تقول لأ! بلاد كفر ! طيب مو رجلك جاي يدرس فيها...بعدين كانك حريصة إنتِ ثقفي عيالك بالعقيدة بالبيت..تقول لأ المدرسة في السعودية غير...طيب كان قعدتي بالسعودية و خليتي العيال على مدارسهم...تقول لك هو !!! أخلي رجلي لحاله!!! فتنة !!!

شيء ثاني..أبغى أتعلم لغة علشان ديني..حلو..بس أبي فصل حريم !!طيب وين تلقين فصل حريم !! لازم مع رجال الشكوى لله ضريبة الغربة ! تقول خلاص بقعد بالبيت..بس قلبي يعورني على الكنديين إننا هنا موجودين و لا ساعدناهم للدخول في الإسلام !!

مو بس على كذا !!!
والله يا شابورة إن حتى على قهوة النادي يبون يضيقون صدورهم !!!
أنا ماأدري عن نادي هاليفاكس..بس هنا في إدمنتون كل سبت نجتمع بالنادي و تصير القهوة على بنتين...على وحدة عليها حلى قهوة و مالح مع الشاهي...و صاروا بعض البنات يتفننون ما شاء الله عليهم...
قاموا ناس من فئة بضيق صدري بالغصب يعترضون...خلاص ما راح نجي...شلون يعني..أبدأ أطبخ من الخميس علشان النادي ( بيني و بينك العدد كبير...لازم 40 حبة رجال و 40 حبة للحريم) بس عادي..البنات هنا مرررة كثير ما شاء الله و وين و ين يجي دورك..يمكن مرة كل 3 شهور...بس هلاعالم لازم تضيق صدرها..صارت ما تجي للنادي علشان ما ودها تتكلف و لا منحرجة و إلا أي عذر ثاني !!


يعني ببساطة..ناس تدور لها أعذار علشان تكتئب و تضيق صدرها !

و القسم الثاني..

تجيك عادية بس تبي تطور عمرها..و تستفيد من خبرتها...عندنا وحدة هنا أول ما جت دخلت عيالها داي كير و صارت تطلع الصباح تدج !! تقول إنها تركب الباص و تنزل عند أي مكان حلو و تدور..لما عرفت الديرة ازين من أهلها...! و الله لو تشوفونها أول ما جات شلون كانت و الحين شلون صارت...
كانت مررررررة خجولة و ضعيفة..لو يطيح ولدها صاحت ! و الحين ما شاء الله عليها...تطورت بأشياء كثيرة...حتى لبسها !
و صارت تجمع البنات عندها بالبيت لأنها ودها توسع صدرها...خاصة إن رجالنا مشغولين طول الوقت !
و صاروا كم بنت يسوون دورية بيناتهم كل جمعة على حسب الفضوة..و نسميها دورية البيتزا...! علشان ما يصير تكلف..أهم شيء نجتمع و نوسع صدرنا بأي بيت و نجمع قطة و نطلب بيتزا..و و الله ولا أحلى !

بس إنتوا عيشوا التجربة بكل معانيها ! و ربي بتنبسطون وتبون تندمون على كل يوم ضيعتوه و إنتوا تصيحون !

بعدين الحمد لله..كلها غربة مؤقتة و إنتِ راجعة لبلدك..فليه تضيقين صدرك على غير سنع !

عندنا وحدة جاها اكتئاب و رجعت للسعودية..و تعالوا شوفوا زوجها..و الله ترحمينه ! مرررررررررة متكسف و حالته حالة! على إيش !.أهم شيء إن أهلي بخير و إني أنا مع زوجي و أمورنا تمام و إننا بصحة و عافيه...و يالله لك الحمد و الشكر..

طول بالحكي..بس فعلا الموضوع كان من زمان لازم يطرح..لأن المغتربات من جد شوهوا الصورة..و ما أدري على إيش!