ليش لازم حنّــه

يا أختى عسل ..أغلب المتزوجين حديثا يكون وراهم قروض و بناء بيت و مصاريف و أشياء ثانية ،هذا إذا ما كان الريال كبير أهله و هو إاللى يشوف طلباتهم و أشغالهم ..فتلاقين وناسته فى تلبية هالطلبات مو المهايل (إاللى إحنا نسميه طلعة و تغيير جو ) غير إن البعض ما يحب المخاسير اللى تجى من ورا هالسفرات أو الطلعات...
الرجل ما يفهم ان هذى الطلعة او السفرة راح تونس زوجته و تخلى مزاجها تمام وهذا الشىء راح ينعكس على علاقتهم ..ما درى مخهم شلون مركب ؟؟؟
إقتراحى ...كل وحدة تقعد مع زوجها المصون و تتفق معاه على يومين فى الأسبوع ...يوم لهم وحدهم و يوم لهم و للأولاد ...و إذا قال لا ما أقدر مشغول تدوس بمردانه ..الله والطلعه عاد ..ترى مو شرط مطاعم كشخه ..والله صمونه شاورما أو فلافل (أأأأأأأمموت على الفلافل)و علبة بارد (مانى قايلة اسم ..تصير دعاية) على البحر تسوى الدنيا ..والله العظيم وعن تجربه ..
و بس الحمدلله ...الوحدة تبدى بشى صغي ..إنتى بس مسكيه و خليه يتعود بعدين إشتغلى على شى كبير ...والله المستعان

ما أقول غير الله يعينا عليهم ويغيرهم بسرعه قبل مايطوف العمر وماشفنا يوم حلو :(

أختي أحلى الجياكر حياج الله ..(بصراحه إسمج يضحّك)
إختي كلامك مضبوط لمن يكون في السالفة صرف والولد توّه يكوّن نفسه ... بس اللي يبط القلب لمن يكون قادر وعنده ..أو لمن يصرفهم مع ربوعه في سفراتهم و وناستهم ..(مثل ما أسمع)
أو لمن ماتكون الطلبات ماديه (مثل حالتي) يعني نشم هوا بس ..ليش الهوا صار بفلوس ؟

والله ما أنكر إنه يبين إنه أستانس و وده يعيدها ...بس ماتجي من نفسه يقول قومي نطلع...

حياك إختي ام ميثا ...والله يعين

حبيبتي عادي الريال معروف يحب يظهر ويا ربعه .....وعمره ما بيقول لك قومي نظهر او نروح السوق

عادي انا اذا بغيت مكان لازم ازن عليه حتى اغراض العيد لو سكتي يمكن ما يجي على باله ان نا قصنك شيء