انا اعرف ان اقبيلي يتزوج قبيليه بس مايهم من نفس القبيليه والحين بدا يخف التعصب وصار الخضري ياخذ قبيليه او العكس
بس ان شاءالله ابوك يرضى اذا خيره لك

ليتني تزوجت من قبيلتي لكن الحمدالله فرق ترى كبير يوم تكونين عند جماعه ربي مكثر خيرها وكل شي عادي.. وتروحين لقبيله تحط العاده فوق العباده وكل شي عيب ويكرفونك كرف الحمار .. بس الحمدالله على كل حال المصيبه انا الوحيده من اخواتي الي طلعت برى وصارت هواش بين جدي وابوي علشانه طلعني برى القبيله

بس ياقلبي وضعك غير انتي استخيري ووافقي وحاولي في ابوك وان شاء الله يرضى

انا بعد مثلك ماناخذ ونعطي من غير قبيلتنا

وربي يكتبلك الخير 

والله ياأختي اني متزوجة من غير قبيلتي وندمانه ندمممم
وماحسيت فيها الا لما كبروا اولادي
لاني تزوجت صغيرة واندمجت مع عائلتهم وحاولت اني الغي موضوع القبيله والعنصريه بيننا حتى بالمزح وكانت الامور تمام لكن لما كبروا الاولاد صار اقاربهم يسخروا من كلام قبيلتي ويرموا عليهم كلام لدرجة انهم كرهوا اي تجمع عائلي غير اختلاف العادات والتقاليد معاناة واذا كنت مع اقاربهم يحاولوا يستفزوني واحس بغربه وكأني من كوكب ثاني
ولكن قضاءالله وقدرة والله يصبرنا

والله يكتب لك الخير