ليش مانزلتي لأهلي اليوم أكره هالجملة

السلام عليكم ورحمة الله وبركاته
أكتب لكم بعد بث شكواي إلى الله تعالى
بنات انا ساكنه فوق أهل زوجي وعندي ماشاء الله 4 اطفال يعني فل مشغوله فيهم أن نامو طقطقة على عالم حواء اللي هو مسليني بعد ربي
المهم الأخ يبي دايم أروح لأهله ولو عندي مليونين ولد ومليون شغله لا لازم أروح لأهله طيب انا اول يوم من العيد عندهم مسرع اشتاق لهم والله تعبت من يوم وانا عروسه وانا عندهم اول ماتزوجت اتحسر اني دايم عندهم اقول في نفسي لو اني في بيتي أتابع شي مفيد في التي في او أقرأ شي او أجلس مع نفسي لحالي بعدين قلت لما يكون عندي اطفال اكيد يخف مايصير يقول لها وجبت الأول والله كان يحرمني من الاستمتاع مع ولدي لحالي لا لازم انزل لأهله وأمه تقول لا تحطين الولد بحظنك اه يارب حسبي الله ونعم الوكيل يوم أتذكر هذيك الأيام مره مان عمره شهرين شربت الطفل زيت خروع
ومره مانزلت لهم 3 أيام قوم الدنيا على رأسي وخلاني أروح لأهلي شهرين تقريبا
وجبت 3 بعده يعني أربع اطفال معي ماشاء الله تبارك الرحمن مايرحمني لا في حمل ولا في ولاده ع طول تنزلي لهم
عاد ياليتهم طيبين وكلامهم حلو والفاظهم زينه
وإذا نزلت لهم إذ ر0نزلت اغراضي نادرا ما ألقاها كامله أما بدون طرحه بس شي ينقص وانا وحده ماحب اغراضي تضيع
وصلاحه الماء الدافئ حق الطفل مره لقيتها مي حلوه ومسوين فيها شاي بزعتر
وبيوم العيد آخذة الي تطور اللي عندي والسكني حق اللحم وصاج لي وزعوا لما اخءناها بس للاسف السكين حق اللحم مارجع طيب ليش يزعلون مع انه الأغراض انا احفظها وهم المستفيدين منها
كل مره اقول أن شاء الله يخف بس للاسف يخيب ظني كانت وحده هنا تشكي من أهل زوجها انا قلت انا الحمد لله بدت المشاكل تخف لكن للأسف بالله يا بنات مو من حقي أجلس لحالي انا وعيالي بس
وهم ماني مقاطعتهم بس مو لازم كثرة الزيارات هذي تحت خط لأن كثرة الزيارات تجيب المشاكل طبعا مو مع كل الناس لا
وأنا والله اخاف على عيالي عيال أخت زوجي مره أشياء مره طيحو براد الماء وهو كبير مثل اللي بخطوه سبيل في الشوارع مو البراد الصغير
ومفاتيح الكهرب يلعبون فيها يعني وانا جالسه ابد ابد مو مرتاحه حتى لو عيالي جو بجنبي هم يلحقونهم وإذا طلعت فوق اقول الحمد لله عدت بسلام مافي أحد تضرر
وأنا طبعي اني ماحب أكثر الزيارات على أحد يعني صديقات نادر جدا ازورهن ازورهن اذا عزموني
أهل زوجي ابد ابد ماعزمتني ولا يتصلون يقولون تعالي تقهوي انا اجيهم طبعا أرضى للأخ اللي مارح يرضى
مثلا في رمضان الماضي عزمت ان زوجي و سلفتي ع فطور هم ما قد قالو تعالي الفطري عندنا و سلفتي هذي اللي عزمتها والله ثم والله أنها حتى معايدة ماعايدتني لو برساله نصية او واتس أب ومع زوجي لا والله تعايده وتسأل عني بحرارة كان قلبها علي مره كنت عندهم جيت بعد صلاة العشى راحت نامت وخلتني حتى قهوةماسوت لي ورب البيت لو انا مستحيل اسويها
خوات زوجي تزوجن بعد 3 اهديتهن وحركات وحده عندها ولد وحده حامل وحده أو ما صار عندها لها سنه متزوجة والله في حياتهن ما قاله تعالي يا فلانه تقهوي عندنا مو ميته على عزيامهن بس ليش هو ما يقول ليش ماتعزمن زوجتي مثل مايجن عندي
وأنا اللي عندي ذبحني انزلي وانزلي
غير كذا ذبحني الجوع انا والعيال مايسوون عشى لما ارجع متاخر اسوي عشى لي ولعيالي وانا اذا جني لازم لازم يتعشن عندي والباقي من العشى زوجي هو بنفسه يعطيهم العشى الباقي لأن فلانه يا حرام مسكين اتتوحم و نايمه ماجت نبي نأخذ لها عشى
وانا أغلي ولا قدر اسوي او امنع شي هو يطيعهم وخدوم معهم ويجيب لهم كل شي و5 آلاف من راتبه أقساط لهم والبيت هو بناه لهم بس هو ولدهم انا مالي صله فيهم ابد ابد ابد وكثر خيري اذا زرتهم
هو يعتبر اني لازم ازورهم واخدمهم لأنه واجب وحق طبعا هذا تفكيره لكن انا اجاهد د الفكر الضال هههههه مدري انا زوجة ولا خدامه
أمه زائدة وقاحتها صارت اذا جيتهم تقول لي بالله ابي شاي سوي لي شاي
غير كذا كل اللي يدور بالجلسة تنقله للزوج الجبيب
بالله كيف أقدر ولي نفس ازورهم وقسم بالله ارتبك لما اعرف خلاص اني أروح لهم وتزيد نبضات قلبي
جزمتتي الله يكرمكم يذبحون فيها صراصير اسفه ع الكلمه بس رميت أكثر من جزمه لهذا السبب هم عادي عندهم بس انا اتقرف كثير وما قدرالبسها مره ثانيه
مره ضاعت عندهم دبلتين ذهب لي وحده ب700
والثانية ب300


كيف بي نفس ازورهم خلاص مره بالشهى تكفي وما طول بعد